Sunday , May 19 2024
Mental Health

Mental health offices sa SUCs mungkahi ng mambabatas

BUNSOD ng pagtaas ng kaso ng mental health issues sa mga mag-aaral na Filipino, itinutulak ni Senador Jinggoy Ejercito Estrada ang pagkakaroon ng mental health offices (MHOs) sa mga kampus ng lahat ng state universities and colleges (SUC).

“Maraming pag-aaral ang lumabas ukol sa lumalalang problema sa estado ng mental health ng ating mga kabataan sa ngayon. Hindi natin ito dapat ipagwalang bahala. Dapat aksiyonan ito at solusyonan. Mahalagang pagtuunan ito ng pansin nang hindi na madagdagan pa ang mga mag-aaral na depressed,” sabi ni Estrada.

Tinukoy ng senador ang ulat ng World Health Organization (WHO) sa adolescent mental health na napag-alamang, ang suicide ay pang-apat na pangunahing sanhi ng kamatayan sa mga kabataang may edad 15 hanggang 29 anyos.

Sinabi sa ulat, may epekto kalaunan ang hindi agarang pagtugon sa problema sa mental health ng mga kabataan dahil nalilimitahan ang pagkakaroon nila ng maayos na pamumuhay pagtuntong nila sa hustong gulang.

“Upang matiyak ang pagkakaroon ng access sa pangangalaga sa kalusugan ng isip at para pangalagaan ang kapakanan ng mga apektadong kabataan, kailangan magtatag ng mga MHO sa lahat ng ating SUC. Sakop nito ang mga guro at mga kawani sa mga kampus ng SUCs sa buong bansa,” ani Estrada sa kanyang Senate Bill 1508.

Sa ilalim ng panukala, ang lahat ng SUCs ay dapat magkaroon ng mga MHO at hotline sa lahat ng kanilang kampus na pangangasiwaan ng mga guidance counselor na may kasanayan sa pagbibigay ng kinakailangang tulong sa mga mag-aaral, guro, at kawani nito. Dapat din ibigay ang kaukulang atensiyon sa mga may problema sa mental health lalo sa mga taong nasa panganib na magpakamatay.

Maglalagak ng mga eksperto sa mental health para pangasiwaan ang mga MHO at ang paghirang sa kanila para mabigyan ng plantilla position, contractual, o part-time na estado ng trabaho sa mga kampus ng SUC ay isasailalim sa pagsusuri at pag-aproba ng Department of Budget and Management (DBM).

Ang mga kawani ng MHO ay sasailalim sa continuing training na may pagsasaalang-alang sa mga pinakabagong impormasyon, pag-aaral, at kaalaman sa mental health at mental health services.

Iaatas na palakasin ang kampanya sa kamalayan ukol sa mental health lalo sa aspektong suicide prevention, stress handling, nutrisyon, paggabay, at pagpapayo.

Ito ay upang matiyak, ani Estrada, na ang buong komunidad ng SUCs, lalo ang mga mag-aaral ay mulat sa in-campus mental health services.  (NIÑO ACLAN)

About Niño Aclan

Check Also

Arrest Posas Handcuff

Gunrunner nasakote sa submachine gun

DINAKIP ng mga operatiba ng  Quezon City Police District (QCPD) ang isang gunrunner makaraang makompiskahan …

Groundbreaking ng Level III regional hospital hudyat ng pag-asa para sa Lagunenses

Groundbreaking ng Level III regional hospital hudyat ng pag-asa para sa Lagunenses

PARA higit na makapagbigay ng kalidad na serbisyong medikal sa mga Lagunenses, sinimulan nang itayo …

DANIEL FERNANDO Bulacan

 Fernando determinadong tuparin ang pangako sa bawas trapiko at ligtas na komunidad

Determinado si Gobernador Daniel R. Fernando na tuparin ang kanyang pangako na bawasan ang trapiko …

4 drug trader tiklo sa Bataan buybust

4 drug trader tiklo sa Bataan buybust

NASAKOTE ng mga ahente ng Philippine Drug Enforcement Agency (PDEA) Bataan Provincial Office ang isang …

Kolektor ng pautang hinoldap sa palengke, binoga ng riding-in-tandem

Kolektor ng pautang hinoldap sa palengke, binoga ng riding-in-tandem

DEAD-ON-THE-SPOT ang isang ginang na sakay ng tricycle matapos holdapin at barilin ng mga lalaking …