COOL JOE!
ni Joe Barrameda
NAIYAK naman ako habang pinanonood ang one on one interview ni Boy Abunda kay PaOlo Contis. Kung nakaiiyak ang part 1 ng interview, mas emotional si Paolo lalo nang tungkol sa isang maysakit ang pinag-usapan nila.
Matagal na palang hindi in good terms si Pao sa kanyang ina. Kaya bago namatay ang ama ay ipinagbilin nito kay Paolo na huwag pababayaan ang ina na nangako naman ito. Gayunman ay hindi masyadong natutukan ni Paulo ang ina dahil siguro sa mga personal problem niya.
Itinanggi naman ni Paolo na si Yen Santos ang dahilan ng paghihiwalay nila ni LJ Reyes. Magkaibigan pa lang daw sila noon at nang machismis siya noong nasa Baguio sila ni Yen ay matagal nang nakaalis si LJ kasama ang dalawang anak sa New York. Nagsasama pa raw sila ni LJ ay lagi silang may away at nagkaka-problema na. Ang pagkakamali niya ay nalimutan niya ang mental health ni LJ na isa sa naging dahilan ng paghihiwalay nila.
Ngayon ay inamin na niya na girlfriend niya sa kasalukuyan si Yen. Bago siya pumunta sa interview ni Boy ay isinugod niya ang ina sa ospital dahil sa seizure nito. Okey naman daw ang lagay ng ina at pinayagan siya ng kuya niya na makapunta sa nasabing interview.
Wish ni Paulo na nasaksihan ng ina ang kanyang pagbabago bago man lang ito mawala. Hindi raw nakita ng kanyang ama ang kanyang pagbabago. Kaya maluha- luhang binibigkas ni Paolo sa ina ang wish niya.