Tuesday , March 19 2024
Faith Da Silva

Faith Da Silva pinanggigigilan ng netizens

RATED R
ni Rommel Gonzales

HINDI pikon sa halip ay game na sinagot ng Kapuso actress na si Faith Da Silva ang mga bumabatikos sa kanyang character sa GMA Afternoon Prime series na Unica Hija.

Sa soap opera, napapanood si Faith bilang si Carnation, ang tumatayong kapatid ng bidang si Hope, na ginagampanan ni Kate Valdez.

Hindi maganda ang trato ni Carnation at ina niyang si Lorna (Maricar De Mesa) kay Hope dahil ito ay inampon lamang ng kanilang padre de familia na si Jhong (Biboy Ramirez).

May pagkamaldita si Carnation at hindi nakapagtapos ng pag-aaral kaya madaling maimpluwensiyahan ng kanyang oportunistang ina na si Lorna.

Ayon kay Faith, bilang Carnation ay “gigil na gigil siya kay Hope” na requirement para sa kanyang role. Pero in real life, nilinaw nitong walang bad blood sa kanila ni Kate.

Aniya sa isang online exclusive video, “Love na love ko si Kate dahil malalim na po ang pinagsamahan namin. We’ve been friends for a long time and super love ko s’ya. Sobrang gaan niya katrabaho and, at the same time, masaya lang ‘yung set namin kasi tawa kami nang tawa.”

Idiniin din ni Faith sa mga basher ni Carnation na isa itong kontrabida sa telebisyon at gawa-gawa lamang ang character na ito.

“Gusto ko lang din pong klaruhin sa lahat na siyempre itong si Carnation ay character lang naman ‘to, ‘wag kayo ma-high blood. I-enjoy n’yo na lang ‘yung ‘Unica Hija,’” aniya.

Nagpasalamat naman si Faith sa mga tumatangkilik sa Unica Hija dahil sa mataas na ratings ng programa.

“Salamat sa suporta n’yo, sa walang sawa talaga. Every day nakikita ko nagko-comment kayo, nagpo-post kayo, at tina-tag n’yo ko. I’m very grateful at ang buong ‘Unica Hija’ team,” dagdag pa niya.

“At sana masubaybayan n’yo pa ang ‘Unica Hija’ dahil patindi nang patindi ang mga eksena.”

About Rommel Gonzales

Check Also

Repakol Siakol

Repakol handang-handa na para sa US tours

HANDANG-HANDA na para sa kanilang US Tour, Tropa North Bound Tour ang bandang Repakol (Siakol) sa Abril, Mayo, at …

Nadine Lustre Pia Wurtzbach

Nadine bumida sa Bulgari Studio Event

MATABILni John Fontanilla AGAW-EKSENA si Nadine Lustre nang dumalo sa Bulgari Studio Event na ginanap sa Seoul South Korea …

Ysabelle Palabrica Vehnee Saturno

Newbie singer na si Ysabelle ire-revive Kaba ni Tootsie

RATED Rni Rommel Gonzales ANAK ni Bingawan City (of Iloilo) Mayor Mark Palabrica ang newbie female singer …

Dingdong Dantes Marian Rivera  My Guardian Alien Family Feud

My Guardian Alien cast magbabakbakan sa Family Feud

I-FLEXni Jun Nardo BUWENA-MANO na guest ang cast ng GMA series na My Guardian Alien sa second anniversary ng Family …

Martin Nievera Vicor Music Viva

Tell Me ni Joey Albert bubuhayin ni Martin, umpisa ng mas magarbong career

I-FLEXni Jun Nardo BINALIKAN ni Martin Nievera ang ugnayan niya sa Vicor Music at Viva nang muli siyang pumirma ng kontrata …