Friday , January 27 2023
Daniel Fernando Bulacan 124 anniv

Sa ika-124 anibersaryo
1899 REPUBLIKANG FILIPINO GINUGUNITA SA BULACAN

SA TEMANG “Unang Republikang Pilipino: Gabay Tungo sa Napapanahong Pagbabago,” gugunitain sa lalawigan ng Bulacan ang ika-124 Anibersaryo ng Republikang Pilipino ng 1899 sa Simbahan ng Barasoain sa Lungsod ng Malolos, Bulacan ngayong araw ng Lunes, Enero 23.

Ang programa ay pangungunahan ni Gobernador Daniel R. Fernando na sasamahan ni Kinatawan Danilo A. Domingo bilang panauhing pandangal na sisimulan sa pagtataas ng watawat at pag-aalay ng bulaklak kasama si Bise Gobernador Alexis C. Castro.

Sa lahat ng progreso at pag-unlad na paparating sa lalawigan, siniguro ni Fernando, nananatili sa puso ng mga Bulakenyo ang pagkamakabayan at respeto sa lalawigan kung saan naitatag ang Unang Republika ng Filipinas.

“Sa modernisasyon at kaunlarang kinakaharap ng ating lalawigan, nais kong ipinta sa mga puso’t isip ng bawat Bulakenyo ang kahalagahan ng araw ng pagkakatatag ng Unang Republika ng Pilipinas. Ito ay araw ng pagdakila sa ating mga ninuno na inilaban ang demokrasya, ito ay araw ng pagkilala sa lalawigan bilang mahalagang bahagi ng kasaysayan,” anang gobernador.

Inaasahang dadalo sa programa sina Bulacan Provincial Director PColonel Relly B. Arnedo, OIC-Executive Director Carminda R. Arevalo ng National Historical Commission of the Philippines, Mayor Christian D. Natividad ng Lungsod ng Malolos at mga pinuno ng tanggapan at ibang kawani ng Pamahalaang Panlalawigan. (MICKA BAUTISTA)

About Micka Bautista

Check Also

SAF 44 National Day of Remembrance bulacan

Bulacan cops ginunita ang Fallen SAF 44 sa National Day of Remembrance

PARA sa National Day of Remembrance ng 44 na miyembro ng Special Action Force (SAF), …

Arrest Posas Handcuff

Puganteng rapist at kilabot na kawatan, timbog

Dalawang lalaki na kabilang sa most wanted person sa Bulacan ang magkasunod na naaresto sa …

dead gun

Ika-5 suspek sa pagpatay sa 2 pulis sa Mabalacat, Pampanga, patay sa shootout

ANG ikalimang  suspek at lider ng Flores group na pumatay sa dalawang anti-drug cops ng …

dead gun

Wanted patay sa engkuwentro

Patay ang  lalaking wanted sa kasong robbery nang manlaban sa mga awtoridad na aaresto sa …

Electricity Brownout

Sistema ng NAPOCOR, Paurong – HATAMAN

Dahil sa paulit-ulit na brownout sa Basilan at sa iba pang maliliit na isla sa …