DINAKIP ng mga awtoridad ang dalawang lalaki na nabistong may dalang marijuana sa gitna ng pagdiriwang ng 2023 Ati-Atihan Festival sa bayan ng Kalibo, lalawigan ng Aklan, nitong Linggo, 15 Enero.
Kinilala ng Kalibo police ang mga suspek na sina Glenn Reyes, 48 anyos, at Niño Dela Cruz, 33 anyos, kapwa mga residente sa Brgy. Andagao, sa naturang bayan.
Nabuko ang dalang marijuana ng dalawang suspek sa isang checkpoint sa junction 19 Martyrs St. at L. Barrios St.
Nagtapos ang Ati-Atihan, tinaguriang “Mother of All Philippine Festivals” kahapon ng hapon sa pamamagitan ng street party.
Natagpuan sa bag ni Reyes ang marijuana na nakasilid sa isang zip-lock plastic bag.
Dinala ang dalawang suspek sa Kalibo MPS para sa kaukulang disposiyon at dokumentasyon.
Nakatakdang sampahan ang dalawa ng kasong paglabag sa RA 9165 o Comprehensive Dangerous Drugs Act of 2002.
