Friday , January 27 2023
Racasa Chess

PH woodpusher Racasa sasabak sa Indonesia

MANILA — Matapos magkampeon sa High School Girls Division ng Pasig Alliance of Private School Administrators (PAPRISA) chess championship at pagkopo ng silver medal sa 15 Under Female Batang Pinoy Blitz Category sa Vigan City, Ilocos Sur nitong nakaraang buwan ay nakatutok si Woman National Master Antonella Berthe “Tonelle” Murillo Racasa sa paglahok sa FIDE Rated International Open Chess Tournament sa Indonesia.

Bukas ang nasabing torneo sa 21 anyos pababa na magsisimula sa 27-29 Enero 2023 na gaganapin sa Gunadarma University Karawaci, Tanggerang-Indonesia ayon kay International Arbiter Bong Bunawan.

Ang nasabing event ay inorganisa ng BKD Chess Club under auspices ng Indonesian Chess Federation.

Ang 15-anyos na si Racasa, estudyante ng Victory Christian International School ay naglalayong mapataas ang rating tungo sa 2000 para makalapit sa coveted Woman FIDE Master title.

“I hope to do well in this event (Indonesia) and gain some elo rating points,” sabi ni Racasa na pambato ng Mandaluyong City.

Si Racasa na ang local at international tournament ay suportado ng Hotel Sogo na inaasahang pangungunahan ang Philippine chess team sa World School Chess Championships 2023 na gaganapin sa 13-23 Abril 2023 sa Rhodes, Greece.

Magugunitang si Racasa, ang 2020 Philippine Sportswriters Association Tony Siddayao awardee, ay nakapagtala ng several upsets at kasama sa liderato na may nalalabing dalawang laro dahil sa pagod ay kinapos si Tonelle sa World Cadet Championship U-12 sa Weifang, Shandong, China noong 21 Agosto hanggang 1 Setyembre 2019. (MARLON BERNARDINO)

About Marlon Bernardino

Check Also

Henry Calacday

Calacday, Tayag, Soliman kalahok sa Tarlac chess tourney

MANILA — Pangungunahan nina Henry Calacday, Jesus Tayag, at Arnold Soliman ang pagtatangol sa probinsiya …

Martin Romualdez Justin Brownlee

Pagbati kay Brownlee ipinaabot ng Speaker

IPINAABOT ni House Speaker Ferdinand Martin G. Romualdez ang pagbati sa basketball player na si …

Jan Emmanuel Garcia Herky Del Mundo MARLON BERNARDINO Chess

IM Garcia naghari sa Del Mundo Open Rapid chess tourney

MANILA — Pinagharian ni International Master (IM) Jan Emmanuel Garcia ang Sir Herky Del Mundo …

Mark Jay MJ Bacojo Chess

PH bet MJ Bacojo 2nd sa Hong Kong chess tilt

ni Marlon Bernardino MANILA — Iwinagayway ni National Master Mark Jay “MJ” Daños Bacojo ang …

Sonsea Agonoy Chess

Sa 32nd North American Open Chess Tournament
NOVELTY CHESS CLUB TOP HONCHO SONSEA AGONOY NAGKAMPEON, US $5,000 SOLONG NAIBULSA

MANILA — Muling bumalik ang tikas ni Novelty Chess Club top honcho Sonsea Eda Agonoy …