Friday , March 31 2023
arrest, posas, fingerprints

Guro at driver tiklo sa swindling at estafa

Inaresto ng intelligence operatives ng Baliwag City Police Station (CPS) ang dalawang indibiduwal sa inilatag na entrapment operation sa Brgy.Bagong Nayon, Baliwag City, Bulacan kahapon, Enero 9.

Ang dalawang arestado ay isinasangkot sa mga reklamong Swindling/Estafa, Robbery Extortion at Falsification of Public Documents.

Ayon sa ulat mula kay PColonel Relly B. Arnedo, provincial director ng Bulacan PPO, ang entrapment operation ay ikinasa sa loob ng isang  fast-food restaurant sa Baliwag City na nagresulta sa pagkaaresto kina Melanie Pastrana, 49, professional teacher, mula sa  Malipampang, San Ildefonso, at Christopher Verdillo, 46, isang driver, mula sa  Malamig, Bustos, matapos na sila ay tumanggap ng marked “boodle” money mula sa nagrereklamong biktima.

Batay sa imbestigasyon, sa naging transaksiyon noong Hulyo 8, 2022, kabuuang Php 503,000.00 ang tinanggap ng mga suspek bilang kabayaran sa pagsasaayos at madaliin ang transaksiyon para sa paglilipat ng land title na kinuha ng biktima.

Dagdag pang sinabi ng biktima na ang mga suspek ay ay nabigong isaayos ang paglilipat ng titulo sapagkat ang mga dokumento na kanilang ibinigay na mula sa Bureau of Internal Revenue (BIR) ay ay sinasabing gawa-gawa lamang.

Lumapit na ang biktima sa mga awtoridad para humingi ng tulong nang si Pastrana at kanyang kasabuwat ay muling humingi ng dagdag na PhP 500, 000 kapalit ng mabilis na transaksiyon para sa paglilipat ng titulo.

Inihahanda na ang mga reklamong kriminal laban sa mga suspek na kasalukuyang nakadetine sa Baliwag City Police Station.(Micka Bautista)

About Micka Bautista

Check Also

Jenine Desiderio

Jenine aktibo pa rin sa pagkanta

HATAWANni Ed de Leon HINDI namin agad siya nakilala kasi naka-face mask noong makita namin …

Bulacan Police PNP

10 ‘tulak’ sa drug watchlist kinalawit

INARESTO ang 10 indibidwal sa pagpapatuloy ng kampanya ng pulisya sa Bulacan laban sa ilegal …

COMPOSITE SKETCH Marlon Serna

Sa pamamaslang sa hepe ng San Miguel MPS
COMPOSITE SKETCH NG SUSPEK INILABAS

NAGLABAS ang Philippine National Police (PNP) ng composite sketch ng isa sa dalawang suspek na …

Jose Hidalgo Marlon Serna

RD Hidalgo binisita ang burol ng napaslang na hepe ng San Miguel MPS;
Reward para sa mga killers umabot na sa P1.7-M

Nagbigay ng kanyang huling paggalang si Police Regional Office 3 Director PBGeneral Jose S. Hidalgo …

iSCENE 2023 PAPI DOST

Are you ready for the biggest and the smartest 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗘𝘅𝗽𝗼𝘀𝗶𝘁𝗶𝗼𝗻 𝗶𝗻 𝘁𝗵𝗲 𝗣𝗵𝗶𝗹𝗶𝗽𝗽𝗶𝗻𝗲𝘀 this year?

Join us on March 23-25, 2023, in the first ever 𝗜𝗻𝘁𝗲𝗿𝗻𝗮𝘁𝗶𝗼𝗻𝗮𝗹 𝗦𝗺𝗮𝗿𝘁 𝗖𝗶𝘁𝘆 𝗘𝘅𝗽𝗼𝘀𝗶𝘁𝗶𝗼𝗻 𝗮𝗻𝗱 …