Friday , February 3 2023
arrest prison

2 notoryus na holdaper kinilala ng biktima

KULUNGAN ang binagsakan ng dalawang lalaki na nahuli at nadiskubreng miyembro ng isang criminal syndicate nang inguso ng babaeng hinoldap ng mga suspek, sa Makati City, kamakalawa ng gabi.

Kinilala ni Southern Police District P/Brig. Gen. Kirby John Kraft ang mga suspek na sina Michael Lutas, 25, at Willy Olivarez, 24.

Sa isang video, itinuro ng biktimang si Lesley Ann, ang dalawang lalaking dinakip na siyang nangholdap sa kaniya sa panulukan ng Chino Roces Avenue at Yulo St., Barangay Bangkal, Makati City dakong 11:00 pm nitong 4 Enero.

Ang dalawang suspek ay natuklasang miyembro ng Rowel Turtosa Robbery Holdup Group nang beripikahin sa Intelligence Section ng Makati City Police Station.

Inireport ng biktima sa mga awtoridad, lulan ng MC 2904, ang insidente ng panghoholdap ng dalawang lalaki na sakay ng isang itim na Yamaha Mio, nang siya ay tutukan ng di-batid na kalibre ng baril.

Nang baybayin ang direksiyon ng tumakas motorsiklo, namataan ang dalawa na akma sa deskripsyon ng biktima kaya pinahinto at hiningan ng dokumento ng sasakyan sa hindi pagsusuot nila ng helmet .

Imbes tumigil mabilis na pinasibad ang motorsiklo ngunit agad na nahuli sa panulukan ng Capinpin at La Guardia streets sa Brgy. Bangkal.

Nakuha ang 9mm Armscor pistol, may pitong bala,  at kinompiska rin ang MIO 125 motorcycle (MV-File No. 1380-09756102), isang Oppo A37M, at isang Techno Spark android phone. (GINA GARCIA)

About Jaja Garcia

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …