HATAW! D'yaryo ng Bayan hatawtabloid.com
NANAWAGAN si Senadora Grace Poe sa pamahalaan na magpatupad ng tinatawag na proactive policy para sa mga pasaherong papasok ng bansa mula sa bansang China.
Ayon kay Poe, dapat magpatupad ng COVID testing requirements sa mga pasaherong galing China lalo sa sa 8 Enero 2023 na tatanggalin na ang China travel restrictions.
“The lack of proactive policies on the matter is concerning amid the rapidly developing situation overseas. Our experience in the past three years of the pandemic has shown that delayed and uninformed COVID-related policies are sometimes more deadly than the pandemic itself,” ani Poe.
Iginiit ni Poe, dapat matiyak na mabigyan ng sapat na proteksiyon ang lahat ng mga taong nasa Filipinas sa pamamagitan ng paglalagay ng karagdagang paghihigpit sa mga pasahero.
Ipinunto ni Poe, dapat sundin o tularan ng bansa ang naging hakbangin ng mga bansang Amerika, United Kingdom, France, Canada, Japan, at South Korea sa kanilang pagpapatupad ng muling mandatory COVID 19 testing sa dumarating mula sa China.
“Now that we have reopened again, we need to build confidence that the Philippines is well-positioned and, hopefully, now better informed in the fight against COVID,” giit ni Poe. (NIÑO ACLAN)
