ISANG 45-anyos tricycle driver ang sugatan matapos sumabog ang isang paputok sa kanyang kanang kamay sa lungsod ng Bago, lalawigan ng Negros Occidental, nitong araw ng Pasko, 25 Disyembre.
Sa ulat mula sa Negros Occidental PPO, nakikipag-inuman ang biktima sa isang kamag-anak nang sinindihan ng kanyang kapatid ang isang whistle bomb na kanyang kinuha bago pa man sumabog.
Dinala ang biktima sa Bago City Hospital na inilipat kalaunan sa isang pribadong pagamutan sa parehong lungsod.
