HATAW! D'yaryo ng Bayan hatawtabloid.com
ALAM MO NA!
ni Nonie Nicasio
SHOWING na ngayon sa Vivamax ang pelikulang Pamasahe na tinatampukan ni Azi Acosta at mula sa pamamahala ni Direk Roman Perez, Jr.
Isa si Rash Flores sa tampok sa pelikula, nagbanggit siya nang kauntng patikim sa kanilang movie.
Aniya, “Ang role ko po rito is, ako po si chief Mercado, isang seaman. Isa po ako sa talagang magbibigay ng malaking problema kay Lineth, na ginagampanan po ni Azi.”
Esplika ni Rash, “Ang masasabi ko po sa pelikulang Pamasahe is napakaganda nga niya. Sobrang daming mapupulot na aral ng manonood dito, ‘tsaka ‘yung twist niya sa dulo is hindi ko rin talaga ine-expect.
Pinuri niya ang husay ng bida ritong si Azi at ng direktor ng Pamasahe.
Sambit ni Rash, “Sobrang galing ni Azi rito, hindi ko inasahan ‘yung ganitong acting niya, kasi para siyang hindi baguhan, e.”
“Kay Direk Roman naman, actually first film ko ito kay Direk Roman. Masasabi ko na si direk Roman is bagay talaga sa kanya ‘yung Cult Director na bansag. Ang galing niya lalo na sa twist ng movie, kahit ako po hindi ko expect ‘yung twist ng Pamasahe, saludo po ako kay direk Roman,” pahayag ng barakong alaga ni Jojo Veloso.
Tampok din sa pelikula sina Mark Anthony Fernandez, Felix Roco, Julio Diaz, Alvaro Oteyza, Chadd Solano, Shiena Yu, Shirley Fuentes, at marami pang iba.
