Thursday , April 18 2024

Randy gustong makatrabaho muli si Maricel

MA at PA
ni Rommel Placente

PANGARAP ni Randy Santiago na sa susunod na taon ay makapag-record siya ng bagong kanta at maka-collab ang mga young and talented artists ngayon.

Sabi ni Randy, “Ang uso kasi ngayon ‘di ba, ‘yung mga collab, so I’m thinking aside from having ‘yung mga co-generation ko, ang gusto kong mangyari ‘yung mga ka-collab ko ‘yung mga bata.

“Ang gusto ko nga gumagawa ako ng mga kanta para sa mga bata. Kasi ‘yung mga kinakanta ko medyo novelty na, and minsan nararamdaman ko na parang hindi na bagay sa akin ‘yung mga ganoon,”

Patuloy pa niya, “So ‘yung naughty sides ko lalo na when I write songs gusto ko nang ibigay sa mga bata. Basta may suprises, eh, na sana matuloy.”

Nagpapasalamat din ang beteranong singer na sa kabila ng maraming bagong singers na nagsusulputan ngayon ay marami pa rin ang kumukuha sa kanyang serbisyo para mag-perform sa mga show sa Pilipinas at maging sa ibang bansa.

“Nagpapasalamat talaga ako sa tiwala ng mga producer for still getting me. Of course, we’ll have to take care of ourselves, ‘di ba?

“So kapag inaalagaan mo ang sarili mo at nakikita naman na wala kang bisyo at medyo maayos ka naman, ang career mo and whatever you’re doing sa industriya nandoon ‘yung mga producer and everybody.

“Kasi ano sila, eh, uhaw na uhaw, eh. Kahit sa Amerika when I got there, galing lang ako roon noong May and June when I did my first tour, ang saya, eh. Parang bumalik na nga sa dati ang lahat. So, I’m excited to do more shows din,” aniya pa.

Bukod sa gustong makapag-record ng bagong kanta, gusto rin ni Randy na makagawa ulit ng pelikula. Pero gusto niya ay isang comedy ulit, na gaya ng pelikulang ginawa nila ng dating karelasyon na si Maricel Soriano noong 1988, ‘yung Taray at Teroy.

At si Maricel ulit ang gusto niyang makasama kung makagagawa ulit ng comedy film.

May concept na nga ako for that. Dahil long time ago na rin ‘yon kaya ‘yung mga anak na namin bale ang parang magkakagustuhan,” excited na sabi pa ni Randy.

Sana nga ay matupad ang wish ni Randy na magkatrabaho ulit sila ni Maricel sa isang comedy film.

About Rommel Placente

Check Also

Glaiza de Castro David Rainey

Glaiza naka-iskedyul pagbuo ng baby

RATED Rni Rommel Gonzales SOBRANG busy si Glaiza de Castro, paano ang pagbuo nila ng pamilya ng …

Rachel aminadong mas mahirap magpasikat ng kanta ngayon

RATED Rni Rommel Gonzales NATANONG namin si Rachel Alejandro sa kung ano ang malaking pagkakaiba ng music …

Atasha Muhlach Daniel Padilla

Daniel at Atasha iniuugnay ng fans

REALITY BITESni Dominic Rea KINIKILIG ako actually sa naglalabasang cropped photos nina Daniel at Atasha Muhlach.  …

Kathryn Bernardo Jericho Rosales Alden Richards

Kathryn pinag-aagawan daw nina Alden at Echo

REALITY BITESni Dominic Rea PAGKARAANG ianunsiyo ni Kathryn Bernardo na she’s already healed after her break-up with Daniel …

Gringo Honasan Ferdinand Topacio Baby Go

Sen Gringo isasapelikula ang buhay

I-FLEXni Jun Nardo NAKATAKDANG gawan ng Borracho Film Production ang buhay ni former Sen Gringo Honasan na hindi pa …