Saturday , February 4 2023
road accident

Rider todas, angkas kritikal

PATAY ang isang rider habang nasa kritikal na kalagayan ang kanyang angkas nang ma-hit and run ng isang trailer truck sa Navotas City, kahapon ng madaling araw.

Kaagad binawian ng buhay sanhi ng pinsala sa ulo at katawan ang biktimang si Cristopher Endrac, 22 anyos, ridge sling man ng TBSCY Container Yard, at residente sa R-10 Sitio Puting Bato, North Bay Boulevard South.

Inoobserbahan sa Tondo Medical Center  (TMC) sanhi ng pinsala sa ulo at katawan si Aldrin Dilao, 29 anyos, welder, residente sa Block-42, Lot-26, Purok-2, Bitungol, Norzagaray, Bulacan.

Batay sa ulat ni P/Cpl. Dandy Sargento kay Navotas police chief P/Col. Dexter Ollaging, binabagtas ng mga biktima sakay ng isang motorsiklo ang kahabaan ng north bound ng North Bay Boulevard, Brgy. NBBS Proper, dakong 2:20 am.

Pagsapit sa intersection ng C3 Road, Brgy. NBBS Proper nahagip ang mga biktima ng bahagi ng trailer na tumatawid sa nasabing lugar.

Matapos ang insidente, hindi huminto ang driver ng trailer truck at iniwanan ang mga biktima habang isinugod sa nasabing pagamutan si Dilao.

Patuloy ang isinasagawang backtracking ng pulisya sa mga CCTV para sa posibleng pagkakilanlan ng driver at plate number ng trailer truck na kulay asul ang tractor head, may chassis at karga na pulang container. (ROMMEL SALES)

About Rommel Sales

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …