Monday , March 4 2024
Paragua and Barbosa Chess
FILE photo nina GM Mark Paragua at GM Oliver Barbosa na 1-2 punch ng Pasig City King Pirates nina mayor Vico Sotto, coach Franco Camillo at Expedito Bolico.

Pasig makikipagtuos sa San Juan, Davao versus Negros

MANILA — Dumaan muna sa butas ng karayom ang Pasig City King Pirates at Davao Chess Eagles bago nakapasok sa finals ng kani-kanilang divisions sa Professional Chess Association of the Philippines (PCAP) Wesley So Cup season 2 online chess tournament na ginanap sa Chess.com Platform nitong Sabado, 3 Disyembre.

Nakaungos ang Pasig sa Manila Indios Bravos nina Atty. Joey Elauria at Val Mendoza, 14.5-6.5, 8.5-12.5, at 2-1 sa Armageddon sa Northern Division, habang lusot din ang Davao sa Toledo City Trojans, 11.5-9.5, 10.5-10.5, at 2-1 Armageddon sa Southern Division.

Pinasuko ni IM elect Eric Labog, Jr., si FM Deniel Causo, habang nakatakas si GM Mark Paragua sa losing position kontra kay FM Nelson “Elo” Mariano III tungo sa tagumpay ng Pasig nina mayor Vico Sotto, coach Franco Camillo at Expedito Bolico sa playoffs.

Nakaiwas ang Maynila sa posibleng pagkabokya nang manaig si IM Ronald Dableo kontra kay GM Oliver Barbosa.

Panalo ang Pasig sa first match, 14.5-6.5, at namayani ang Maynila sa second match, 8.5-12.5, tungo sa Armageddon.

Sa North final ay makakalaban ng Pasig ang San Juan Predators nina PCAP chairman Michael Angelo Ong Chua at coach Hubert Estrella, nagtala ng 11.5-9.5 at 14.5-6.5 panalo kontra sa inaugural PCAP All-Filipino Conference champion Laguna Heroes ni Dr. Fred Paez sa isa pang semi-final.

Sa South ay umasa ang Davao nina Atty. Jong Guevarra at team captain Chris Yap kina FM Austin Jacob Literatus at FM Sander Severino para mapatalsik ang hard-fighting Toledo side.

Pinisak ni Literatus si Ronald Ganzon habang umibabaw si Severino kay NM Merben Roque.

Natalo si NM Dale Bernardo kay Allan Pason ng Toledo.

Ang makakalaban ng Davao sa South championship ay ang Negros Kingsmen nina Antonio Martin Olendo at Jeanshen Rosalem na binigo ang Iloilo Kisela Knights ni team owner Leo Sotaridona, 13.5 – 7.5, at 12.5 – 8.5.

Ang PCAP, ang country’s first play-for-pay league sa gabay ni PCAP President Atty. Paul Elauria na suportado ng San Miguel Corporation, Ayala Land, at PCWorx na sanctioned ng Games and Amusement Board sa pakikipagtulungan ng National Chess Federation of the Philippines sa gabay ni chairman/president Rep. Prospero “Butch” Arreza Pichay Jr. (MARLON BERNARDINO)

About Marlon Bernardino

Check Also

Heather White Buhain Swimming

Ajido, White kumubra ng bronze sa AACG

CAPAS, TARLAC –  Binuhay nina Jamesray Mishael Ajido at Heather White ang pag-asa ng team …

Buddy Encarnado NCRAA

Bago, talentadong local cager target sa NCRAA 30th Season

HANGAD ni General Manager Buddy Encarnado, dating PBA chairman at team governor ng Sta. Lucia, …

FESSAP

FESSAP-APUG 3×3 Philippines didribol sa Marso 15-17

IPINAHAYAG ng One Dream Sportsman, sa pamumuno ni basketball coach Dr. Norman Afable, ang pagdaraos …

NCAA Season 99 Juniors Basketball Tournament

NCAA Juniors Basketball Tournament simula na 

RATED Rni Rommel Gonzales PATULOY ang aksiyon sa NCAA Season 99 dahil umpisa na ang bakbakan sa NCAA …

Christian Mark Daluz Chess

Sa Antonio “Bolok” Memorial Open Rapid Chess Tournament
FM DALUZ WINALIS MGA KATUNGGALI

MARIKINA CITY — Napanatili ni FIDE Master (FM) Christian Mark Daluz ang mainit na simula …