Friday , March 29 2024

Palasyo tahimik
GO SIGNAL NI FM JR. SA P250-B MAHARLIKA WEALTH FUND, INAMIN NI DIOKNO

120222 Hataw Frontpage

ni Rose Novenario

TIKOM ang bibig ng Palasyo sa kontrobersiyal na panukalang batas na pagtatatag ng P250-B Maharlika Wealth Fund (MWF) kahit inamin ni Finance Secretary Benjamin Diokno na may go signal ito ni Pangulong Ferdinand R. Marcos, Jr.

Lumusot kahapon sa House Committee on Banks and Financial Intermediaries ang House Bill 6398 na iniakda ni Speaker Martin Romualdez kasama si Deputy Majority Leader Ferdinand Alexander “Sandro” Marcos — anak ng pangulo — at limang iba pang mambabatas na may layunin umanong kumita ang kapos sa pondong gobyerno sa pamamagitan ng ‘pag-maximize” sa kakayahang kumita ng mga asset ng estado na ipupuhunan. 

Ang Maharlika — isang salitang orihinal na nangangahulugang uri ng mandirigma —posibleng tumutukoy sa isa sa mga alamat na nilikha ng yumaong diktador na si Marcos Sr., na nagsabing pinamunuan niya ang isang yunit ng gerilya na tinatawag na ‘Maharlika’ noong panahon ng pananakop ng mga Hapon.

Sa ilalim ng panukalang batas, si Marcos Jr., ang magsisilbing chairman of the board na mamamahala sa MWF at 14 board directors, pati ang dalawang independent directors, ay kanyang itatalaga.

Batay sa HB 6398, ang apat na government financial institutions ay inaatasang mamuhunan ng equity na may pinagsamang kabuuang P250 bilyon upang simulan ang pondo.

Ang Government Service Insurance System (GSIS) ay magbibigay ng paunang puhunan na P125 bilyon, ang Social Security System (SSS), at Land Bank of the Philippines (LBP) ay mamumuhunan ng tig-P50 bilyon, at ang Development Bank of the Philippines (DBP), P25 bilyon.

Inaatasan ng panukalang batas ang national government sa pamamagitan ng Treasury of the Philippines na magbigay ng P25 bilyon bilang puhunan. 

Bilang taunang kontribusyon sa pondo, ang panukala ay nag-uutos — sa pamamagitan ng Bangko Sentral ng Pilipinas ( BSP) — foreign currency na katumbas ng 10 porsiyento ng remittances mula sa mga overseas Filipino workers (OFWs) at ang 10 porsiyento ay mula sa taunang kontribusyon ng business processing outsourcing (BPO) sector.

Sinabi nito, ang Philippine Amusement and Gaming Corp., ay dapat mag-ambag ng hindi bababa sa 10 porsiyento ng kabuuang  kita pagkatapos ng bisa ng panukalang ito.

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …