Saturday , February 4 2023
itak gulok taga dugo blood

Umawat sa away
22-ANYOS BEBOT ‘SINUNDANG’ NG KAAWAY NG NANAY

SUGATAN ang isang 22-anyos babae na umawat sa pananaga ng isang ginang na nakaaway ng kanyang nanay, sa Navotas City, kamakalawa ng hapon.

Patuloy na inoobserbahan sa Philippine Orthopedic Center (POC) ang biktimang kinilalang  si Tricia Mae Lim, 22 anyos, residente sa Brgy. San Roque sanhi ng mga taga sa kanang kamay.

Kusang loob na sumuko ang suspek na kinilalang si Ruby Acuña, 47 anyos, may-asawa, residente sa M. Naval St., Brgy. San Roque, nahaharap sa mga kasong kriminal.

Batay sa ulat ni P/SSgt. Reysie Peñaranda kay Navotas City police chief P/Col. Dexter Ollaging, dakong 5:45 pm nang magkaroon ng mainitang pagtatalo ang nanay ng biktima at ang suspek na si Acuña sa Angeles Daungan 4, Brgy. San Roque.

Sa gitna ng pagtatalo ay umuwi ang suspek ngunit nang bumalik ay armado ng sundang o jungle bolo kaya’t tinangkang umawat ng biktimang si Lim.

Sa hindi malamang dahilan, biglang sinugod at pinagtatataga ni Acuña ang 22-anyos na si Lim, tinamaan sa kanang kamay.

Isinugod ang biktima ng kanyang nanay sa Tondo Medical Center at kalaunan ay inilipat sa POC hospital habang kusang loob na sumuko sa nagrespondeng mga tauhan ng San Roque Police Sub-station 2 ng Navotas City si Acuña, dala ang ginamit niyang jungle bolo. (ROMMEL SALES)

About Rommel Sales

Check Also

Naty Castro

Bansag na ‘terorista’ ng ATC kay Doc Naty pinalagan

KINONDENA ni House Deputy Minority leader Rep. France Castro ng ACT Teachers party-list ang pagbabansag …

Rex Gatchalian DSWD

Rex Gatchalian bagong DSWD secretary

ITINALAGA ni Pangulong Ferdinand R. Marcos, Jr., si  Valenzuela City Rep. Rex Gatchalian (1st district) …

money thief

2 Australiana, ninakawan ng Nigerian sa QC condo

TINANGAY ng isang Nigerian ang US$39,000 ng dalawang Australiana na kaniyang katransaksiyon sa negosyo sa …

Luisa Silvestre bagong konsehal ng Marilao, Bulacan

Luisa Silvestre bagong konsehal ng Marilao, Bulacan

PINANGUNAHAN ni Gob. Daniel Fernando ang panunumpa sa tungkulin ng bagong konsehal ng pamahalaang bayan …

Bulacan Police PNP

8 tulak, 5 wanted inihoyo ng pulisya

MAGKAKASUNOD na naaresto ang walong hinihinalang mga notoryus na tulak ng ilegal na droga at …