Thursday , April 18 2024
Stab saksak dead

18-anyos patay sa rambol ng 2 grupo ng kabataan

DAHIL  sa pambu-bully, patay ang 18-anyos binatilyo habang sugatan ang kanyang kapatid at pinsan, nang masaksak sa naganap na rambol sa harap ng isang paaralan malapit sa SM North, Quezon City, Martes ng gabi.

Ang biktimang napatay ay kinilalang si Samuel De Villa Aguila, 18, kahero, at residente sa Zamboanga St., Pael Compound, Brgy. Culiat, habang sugatan ang kapatid niyang si Jimuel De Villa Aguila, 16, at ang pinsan niyang si Jayven De Villa Macatangay, 24, nakatira sa Rosal St., Brgy. Old Capitol Site, Quezon City.

Nasa kustodiya ng pulisya ang apat na persons-of-interest Child in Conflict with the Law (CICL) nasa edad 15 anyos, grade 10; 14, grade 8; 17, grade 11, at 17, grade 10 student.

Ayon sa report ng Criminal Investigation and Detection Unit ng Quezon City Police District (CIDU-QCPD), bandang 6:50 pm nitong Martes, 29 Nobyembre, nang maganap ang rambol sa Misamis Arcade, malapit sa SM North EDSA, Misamis Road corner EDSA, Brgy. Sto. Cristo, Bago Bantay, sa lungsod.

Batay sa inisyal na imbestigasyon nina P/SSgt. Rhic Roldan Pittong, P/SMSgt. Eldin Dino, at P/Cpl. Ramon Kristopher Derit, bago naganap ang rambol, kasama ng biktima ang kapatid at pinsan at isa pang kaanak sa harap ng San Francisco High School malapit sa SM North.

Sinabing kakausapin ng pinsan ng 14-anyos na babae ang kasamahan ng mga biktima, pero bigla na lang daw umatake at nambugbog ang mga nasaksak.

Nabatid na ang pinag-ugatan ng gulo ay ang ilang beses na pambu-bully ng kasamahan ng mga biktima sa 14-anyos na babae.

Hindi pa matukoy ng mga awtoridad kung sino ang sumaksak sa mga biktima at hindi pa rin nabawi ang patalim na ginamit.

Naisugod sa Quezon City General Hospital si Samuel ngunit binawian ng buhay, habang nilalapatan ng lunas ang dalawa pa.

Masusi pang nagsasagawa ng imbestigasyon ang pulisya sa naganap na inisidente. (ALMAR DANGUILAN)

About Almar Danguilan

Check Also

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …

Department of Agriculture

Para sa seguridad sa pagkain
PH GOV’T DAPAT MAGPONDO SA MODERNISASYON NG AGRI

HINIMOK ni Senador Win Gatchalian ang gobyerno na mamuhunan sa modernisasyon ng agrikultura at pagpapaunlad …

marijuana

P.6-M tsongki nasamsam sa Bulacan

TINATAYANG aabot sa P602,400 halaga ng high-grade marijuana o tsongki at cannabis oil ang nasamsam …