Friday , February 3 2023
AKSYON AGAD ni Almar Danguilan
AKSYON AGAD ni Almar Danguilan

 “You are my under watch!”

AKSYON AGAD
ni Almar Danguilan

BABALA ito ni bagong talagang Bureau of Fire Protection National Capital Regional (BFP-NCR) Director F/ Chief Supt. Nahum Tarroza sa kanyang mga City Fire Marshal dito sa Metro Manila. Lagot kayo!

Bakit kaya ganito na lamang ang mga binitiwang kataga ni Tarroza? Isa lang ang ibig sabihin nito, malamang sa malamang na may nakararating na impormasyon kay Tarroza na may kakaibang laro na nangyayari sa ahensiya na posibleng kinasasangkutan ng ilang fire marshal.

Kaya, sa mga kolokoy na fire marshal, tumigil-tigil na kayo ha…lalo sa mga may pinaplanong makasisira sa imahen ng BFP -NCR o sa kabuuan ng BFP. Kayo rin, tiyak na may kalalagyan kayo.

Ang babala ay inihayag ni Tarroza sa kanyang talumpati kamakailan sa isinagawang turn-over ceremony sa kanyang tanggapan sa Barangay Pinagkaisahan, Quezon City.

Bagamat wala naman tinutukoy na pangalan sa kanyang  babala si Tarroza, ang kanyang mensahe ay para sa mga bagong upong City Fire Marshal ng Parañaque City na sina F/ Supt. Eduardo A. Loon, na pumalit kay F/ Supt. Bernard T. Rosete; humalili si F/Supt. Mariano S. Taguayam kay F/Crossib B. Cante ng Pasay City, at kay F/Supt. Josephus F. Abrudo, na itinalag sa Malabon City na ang pinalitan ay si F/Supt. Eduardo A. Loon.

Kabilang sa itinalaga si F/Supt. Melchor B. Isidro, na humalili kay dating Las Piñas City fire Marshal Supt. Cristina O. Solero habang si F/Sr. Inps. Eric Gavieres ang pumalit kay F/Chief Insp. Jessie James Q. Samañego sa Pateros Municipality.

Linawin natin, babala pa lamang iyan at wala pa naman tinutukoy si Tarroza na Fire Marshal na sangkot sa anomang katiwalian sa ahensiya. Manilaw ba! Pero, kapag binalewala ng mga fire marshal ang babala at susuungin ang kanilang masamang plano, hindi ito makalulusot kay Tarroza.

Sa kanya pang talumpati, pinasalamatan at pinuri ni Tarroza ang mga dating fire marshal sa kanilang ipinamalas na katapatan at kakayahan sa kanilang tungkulin.

“Being relieved is not a demotion or punishment, kayo ay kinakitaan na nang magandang ginawa na kailangan nang iangat… you have more responsibilities to occupied higher position,” pahayag ni Tarroza.

Sinabi ng bagong BFP -NCR chief, ang mahigpit na tagubilin ni Department of the interior and Local Government (DILG) Secretary Benhur Abalos ay tulungan ang mga negosyante na makabawi sa pagkakalugmok sa negosyo dulot ng COVID-19.

Iyan ang dapat at hind iyong pinahihirapan ang mga negosyante para lamang…alam n’yo na. Lalo na itong mga sinasabing fire building inspectors. Naku po, maraming tirador sa kanila at kinokonsinti ng kanilang fire marshal. Bakit kaya? Ano pa nga ba?

Pero ang lahat ng kalokohan ay tutuldukan ni Tarroza. Kaya, kayong mga tadong inspector, tumigil-tigil na kayo sa estilong pagpapahirap sa mga negosyante.

Heto pa, inatasan din ni Tarroza ang mga bagong fire marshals na huwag nang pahirapan pa ang kanilang mga kliyenteng nagtutungo sa kanilang estasyon na kukuha ng Fire Safety Inspection Certificate (FSIC) permit para makapag-operate ng kanilang negosyo.

“Hindi naman ibig sabihin ay labagin ang ating bagong Implementing Rules and Regulations (IRR) Fire Code bagkus ay humanap ng mga alternatibong kaparaanan na hindi malalabag ang IIR Fire Code of the Philippines,” dagdag ng bagong BFP-NCR director.

Uli, sa mga bagong talagang fire marshal, huwag nang pag-isipan pa ang babala ni Tarroza at sa halip, seryosohin ito dahil hindi nagbibiro ang inyong hepe. Tutuluyan niya kayong kasuhan kapag inyong ipagpilitan ang mga  maling gawain. Ang nais lamang naman ni Tarroza ay panatilihin ang magandang imahen ng ahensiya bukod sa pagsilbihan nang tama at nang marangal ang mga mamamayan gayondin ang mga negosyante.

About Almar Danguilan

Check Also

AKSYON AGAD ni Almar Danguilan

 ‘Pangil’ ng LTO,  nagagamit na sa tamang paraan

AKSYON AGADni Almar Danguilan KAPANSIN-PANSIN ngayon ang ‘tapang’ ng Land Transportation Office (LTO) sa mabilisang …

Dragon Lady Amor Virata

LGUs Laging Walang Pondo

Isumbong mokay DRAGON LADYni Amor Virata SAKIT na yata ng local government units (LGUs) na …

Dragon Lady Amor Virata

Renta sa loob ng police detention cell, buking

Isumbong mokay DRAGON LADYni Amor Virata KAMAKAILAN, nabuking natin ang Pasay City Police na sa …

FIRING LINE ni Robert B. Roque, Jr.

Ang problema ng shortcuts

FIRING LINEni Robert B. Roque, Jr. ANG nakababahalang apela ni Secretary Benhur Abalos sa lahat …

AKSYON AGAD ni Almar Danguilan

Nakalilitong pasahe sa EDSA Bus Carousel, inaksiyonan na Guadiz

AKSYON AGADni Almar Danguilan DISYEMBRE 31, 2022, nagtapos ang maliligayang araw ng mga pasaherong suki …