Wednesday , May 29 2024
Lovi Poe

Lovi Poe Supreme actress ng ABS-CBN

SHOWBIZ KONEK
ni Maricris Valdez Nicasio

SUPREME Actress ang taguri ngayon kay Lovi Poe. Mapa- live shows, mediacons, screening at lahat ng live events, ito na ang itinatawag sa kanya. Supreme naman talaga siyang maituturing dahil magaling at isa siyang tunay na aktres, sa totoo lang.

Sa mga proyektong ginagawa niya sa bakuran ng ABS-CBN at sa mga darating pa karapat-dapat lang siyang tawaging Supreme Actress. Sa mediacon na in-organize ng Dreamscape para sa aktres, nabanggit nitong may naka-line up na siyang teleserye para sa 2023. In fact, aniya nakipag-meeting na siya sa production team ng nasabing still undisclosed project.

Tiyak na singlaki o mas malaki pa sa Flower Of Evil ang next project ni Lovi sa ABS-CBN. Makatrabaho na kaya ni Lovi ang mga aktor na binanggit niyang dream co-actors niya sa bago niyang show na sina Coco MartinJM de Guzman, at Daniel Padilla

Well, ‘yan ang ating pakaaabangan.

Samantala, sa loob ng ilang taon niya sa showbiz, consistent sa pagpapakita ng professionalism si Lovi. Mapa-GMA 7 o ABS-CBNman, hindi matatawaran ang ipinakikitang professionalism nito. Bukod sa nasa dugo na niya ito, siya lang naman ay ang anak ng Hari ng Pelikulang Filipino, si Fernando Poe Jr.. 

Maayos din naman ang naging pagpapatakbo ng career niya ng mga taong nasa likod nito. Kumbaga, maayos ang pagpapalaki kay Lovi ng kanyang management. Walang anumang isyung maibabato kay Lovi pagdating sa professionalism.

Sa pagiging likas na matalino ng aktres, maayos na naipahahayag ni Lovi ang kanyang sarili, ang kanyang saloobin at opinyon sa mga mga isyu. Isa na rito ang salitang utang na loob. Sa bawat interview niya, hindi niya nakalilimutang pasalamatan ang mga taong naging tulay sa kanyang kasikatan. Nariyan ang kanyang manager, GMA 7, fans, media, at ngayon nga, ang ABS-CBN dahil sa pagbibigay sa kanya ng magandang pagkakataon na magawa ang mga proyekto para sa kanyang career growth.

Ang pagiging mabait at professional ni Lovi ay hinahangaan din ng kanyang mga katrabaho. Bagamat isang taon na pa lang si Lovi sa ABS-CBN, ang mga Kapamilya actors na sina Piolo Pascual, Paulo Avelino, Zanjoe Marudo, JC de Vera at iba, ay may magagandang nasasabi sa aktres. 

Sina Piolo at Paulo ang ilan sa mga aktor na pangarap niyang makatrabaho na, nagkaroon na ng katuparan. Kasama niya ang mga ito sa hit thriller na Flower of Evil. Nakatrabaho na rin ni Lovi si Zanjoe sa iWantTFCmovie na Malaya  na umani si Lovi ng mga papuri dahil sa kakaiba at magaling na pag-arte na ipinakita.

About Maricris Valdez Nicasio

Check Also

Angel Guardian Running Man PH

Angel ‘di na habol manalo, mas gustong mag-enjoy bilang runner

RATED Rni Rommel Gonzales ULTIMATE Runner sa Season 1 ng Running Man Philippines si Angel Guardian kaya natanong ito …

Aica Veloso Kulong

Aica nais kumawala karanasan sa isang kapitbahay

RATED Rni Rommel Gonzales NAGBAHAGI ng kanyang mapait na karanasan ang Vivamax female star na si Aica Veloso nang …

Paolo Ballesteros Kira

Paolo hinangaan pag-e-escort sa prom ng anak

MATABILni John Fontanilla SINALUDUHAN at pinuri ng netizens ang Eat Bulaga host na si Paolo Ballesteros nang mag-escort ito …

Kathryn Bernardo FAMAS

Kathryn nasungkit 1st FAMAS Best Actress award

MA at PAni Rommel Placente SI Kathryn Bernardo naman ang wagi bilang Best Actress para sa mahusay …

LA Santos FAMAS

LA Santos Best Supporting Actor ng 72nd FAMAS award

MA at PAni Rommel Placente SI LA Santos ang is tinanghal na Best Supporting Actor sa katatapos …