Friday , April 19 2024
itak gulok taga dugo blood

Kapitbahay nag-amok babae pinugutan, pamangkin tinaga

PATAY ang isang babae matapos pugutan ng ulo, habang sugatan ang kanyang pamangkin nang tagain ng amok na kapitbahay sa Purok Himaya, Brgy. Maquiling, lungsod ng Sagay, lalawigan ng Negros Occidental, nitong Sabado, 26 Nobyembre.

Kinilala ang napaslang na biktimang si Gelly Recodo, 58 anyos; at kanyang sugatang pamangkin na si Bernalyn Abranilla, 33 anyos, kapwa mga residente sa Brgy. Dian-ay, Escalante.

Ayon kay P/Lt. Col. Roberto Indiape, Jr., hepe ng Sagay MPS, dahil sa galit, kaya nagawa ng suspek na kinilalang si Randy Maniego, 35 anyos, ang krimen kay Recodo dahil bigong maibigay ang kanyang parte sa pinagbentahan ng kalabaw na 12 taon inalagaan.

Ani Indiape, hiningian ng suspek ng P10,000 si Recodo matapos maibenta ang kalabaw ngunit P2,000 lamang ang natanggap ni Maniego.

Na-depress umano ang suspek at plinanong patayin ang biktima isang gabi bago ang krimen.

Nabatid na naunang tinaga ng suspek si Abanilla na tinamaan sa kanyang kamay.

Nagawang makatakbo ng mga biktima ngunit nadapa si Recodo at nang maabutan ni Maniego ay kanyang tinaga ang suspek sa batok.

Iniwan ng suspek ang katawan ni Recodo sa taniman ng tubo habang bitbit ang ulo at naglakad patungong sementeryo.

Nang makita ito ng mga residente, agad silang humingi ng tulong sa pulisya.

Naaresto ang suspek ng mga tanod ng barangay nang mahuling inilagay ang ulo ng biktima sa isang krus sa sementeryo habang narekober ang itak na ginamit sa krimen.

Nakatakdang sampahan ng mga kasong murder at frustrated murder si Maniego.

About hataw tabloid

Check Also

Bong Revilla, Jr

Revilla tuloy ang serbisyo-publiko sa kabila ng aksidente

“SALAMAT sa mga nag-aalala kung ano ang nangyari sa akin, pero nasa mabuti na akong …

Lobo Batangas

Sa Batangas 
PAGLAGANAP NG ILEGAL NA SUGAL SA LOBO IKINABAHALA NG BUSINESSMEN

LUBOS na nababahala ang grupo ng mga negosyanteng kinabibilangan ni Efren Ramirez sa isyu ng …

Bong Revilla Jr Maynilad sinkhole

Maynilad panagutin sa sinkhole — Revilla

“DAPAT managot ang Maynilad at kanilang mga kontraktor.”                Ito ang ipinahayag ni Sen. Ramon …

BUCAA Bulacan Daniel Fernando

Sa Liga ng Palarong Basketball ng BUCAA  
MAGLARO NANG MAY PUSO — GOV. DANIEL FERNANDO

“MAGLARO kayo nang may puso. Ipakita ninyo ang pagmamahal ninyo sa sports. Tandaan ninyo, ang …

shabu drug arrest

Sa Caloocan
PINTOR HULI SA P.1-M SHABU

IMBES pagpipinta ng bahay, pumasok sa ‘drug trade’ ang isang house painter pero ‘minalas’ na …