MA at PA
ni Rommel Placente
ISANG singsing ang regalo ng TV host-comedian na si Vice Ganda sa kanyang asawang si Ion Perez, nang
ipagdiwang nila ang 4th anniversary as a couple kamakailan.
Makikita sa kanyang latest YouTube vlog ang naging mga eksena sa nasabing selebrasyon kasama ang kanilang mga kapamilya at kaibigan na ginanap sa isang sosyaling resort sa Quezon.
Sa isang bahagi ng video mapapanood ang pag-abot ni Vice ng singsing kay Ion. Sabi ng komedyante, “Siya ‘yung kapayapaan ko sa panahon ng kangaragan, sa panahon ng kai-stressan.
“Just like recently, ang dami kong fragile moments and Ion was trying to be very strong for me.
“‘Yun ‘yung pinakamalaking regalo sa akin ng Diyos bukod sa pamilya ko at malalapit kong kaibigan. May isang sandigan ako ng lakas na ibinigay niya sa akin para hindi ako manghina sa mga pagkakataon ng ngarag.
“Gusto kong magbigay ng ganito sa ’yo to remind you everyday ‘yung mga masayang moments na ipinaramdam mo sa akin noong isinuot mo (singsing) sa kamay ko.
“Araw-araw nararamdaman ko ‘yon at gusto ko araw-araw maramdaman mo rin ‘yon. This is a reminder of my love for you, my gratefulness to you, basta lahat. This is to remind you of me, of you and me,” pahayag pa ng Kapamilya star.