Small Laude, may aaminin kay Korina Sanchez
ALAM MO NA!
ni Nonie Nicasio
ISANG panibagong exciting at kaabang-abang na episode ang mapapanood sa Korina Interviews, na host ang multi-awarded broadcaster na si Korina Sanchez-Roxas.
Ang pinakabagong talk of the town ay muli na namang kagigiliwan ng mga manonood dahil makaka-chikahan niya ang social media star at kaibigan niyang si Small Laude.
Dito’y inamin ni Small na noong siya ay bata pa, pangarap niyang maging donya at magkaroon ng sarili niyang chedeng. May paborito siyang yaya sa lahat ng mga lumabas sa kanyang mga vlogs (sino kaya?). Hindi aprobado ng kanyang buong pamilya ang kanyang vlogging at na-depress ang kanyang mga anak dahil dito. At ngayon, mas inirerepesto siya ng kanyang asawa.
“Very personal ang kuwentohan namin dahil matagal na kaming magkaibigan at para lang kayong nag-e-eavesdrop,” pahayag ni Korina.
“Kilala ko na si Small bago pa man siya pumasok sa vlogging at alam ko ang pakiramdam niya na siya ay disempowered. Maligaya ako at nahanap niya ang kanyang sarili sa mundo ng online!”
“I’m telling all. Basta. Of course. No bashing. It’s just for fun. Of course,” sabi naman ni Small.
Hitik sa katotohan at kasiyahan ngayong Linggo (13 Nob.) sa Korina Interviews sa NET25 (5:00 p.m.).
Maaari rin mapanood ang episode na ito sa YouTube Channel ng Rated Korina sa Miyerkoles (16 Nob. 8:00 p.m.).
