Friday , March 29 2024
Jaime FlorCruz PH ambassador to China
KASAMA sa retrato ng bagong talagang Philippine Ambassador to China, Jaime Flor Cruz, pangatlo mula sa kaliwa, ang itinuturing niyang kaibigan at kapatid, ang namayapang Ambassador Jose Santiago “Chito” L. Sta. Romana, una sa kaliwa, sa isang okasyon sa tanggapan ng Embassy of the Philippines sa Beijing, China. (Larawan mula sa social media)

Veteran journalist, anti-Marcos activist, itinalagang PH ambassador to China

ITINALAGA ni Pangulong Ferdinand “Bongbong” Marcos, Jr., ang isang beteranong mamamahayag at anti-Marcos activist bilang Philippine ambassador sa China.

Nabatid sa record ng Commission on Appointments (CA), hinirang ni FM Jr., si dating CNN Beijing bureau chief at anti-Marcos activist Jaime A. FlorCruz, bilang bagong Philippine ambassador to China kapalit ng namayapang si Jose Santiago “Chito” Sta. Romana.

Si FlorCruz, 71, ay isang estudyanteng anti-Marcos activist na naging exile sa China noong panahon ng batas militar ni Marcos Sr.

Nagsilbi siya bilang Beijing Bureau chief ng TIME Magazine at correspondent ng Newsweek sa China.

Saklaw ng hurisdiksyon ni FlorCruz bilang PH ambassador to China ang North Korea at Mongolia.

Samantala, itinalaga ni FM Jr., bilang Ambassador Extraordinary and Plenipotentiary to the Republic of Austria with concurrent jurisdiction over the Republic of Croatia, Republic of Slovenia and Slovak Republic si Evangelina Lourdes “Luli” Arroyo Bernas.

Si Bernas ay anak ni dating Pangulo at ngayo’y Senior Deputy Speaker Gloria Macapagal Arroyo.

Pinalitan ni Bernas si Maria Cleofe R. Natividad,  na itinalagang Philippine envoy to Austria noong 2017 ni noo’y Pangulong Rodrigo Duterte.

Hinirang ni FM Jr. si Consul General to Vancouver Maria Andrelita Austria bilang Philippine ambassador to Canada. (ROSE NOVENARIO)

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …