Tuesday , December 5 2023
Bulacan

Bulacan kaisa sa pagdiriwang ng Nat’l Indigenous People’s month

BILANG pakikibahagi sa pagdiriwang ng National Indigenous People’s Month, magsasagawa ang pamahalaang panlalawigan ng Bulacan sa pamamagitan ng Provincial History, Arts, Culture and Tourism Office, ng isang programa para sa mga katutubo na tinawag na “Taunang Araw ng mga Katutubong Dumagat” ngayong Biyernes, 21 Oktubre, sa Sitio Manalo, Brgy. San Lorenzo, sa bayan ng Norzagaray.

May temang “Pagsasakatuparan ng mga Katutubong Karapatan at Kapakanan Batay sa Kanilang Pangarap at Hangarin,” layunin ng pagdiriwang na itaas ang kamalayan ng publiko at suportahan ang kultura ng mga katutubo sa lalawigan.

Inaasahang magbibigay ng kanilang mensahe tungkol sa pagpapalakas at pagpapanatili ng katutubong kultura sina Bulacan Gov. Daniel Fernando, Atty. Antonio A. Roman, OIC-Regional Director III ng National Commission on Indigenous Peoples (NCIP); at NCIP-Bulacan Chief Regina Panlilio.

Samantala, umaasa si Fernando na bibigyang respeto ng mga Bulakenyo ang mga Dumagat sapagkat mayroon silang mahalagang bahagi sa lalawigan.

“Ang kalalawigan nating mga Dumagat na naninirahan sa bulubunduking lugar sa Norzagaray ay katuwang natin sa paglilinang ng ating mga lupain na nakatutulong din upang maiwasan ang matitinding epekto ng mga sakuna. Marapat lang na bigyan natin sila ng pagkilala at respeto, at ang pagpapahalaga sa kanilang mayamang kultura at tradisyon ay ilan sa paraan upang ito ay maisakatuparan,” ani Fernando.

Alinsunod sa Proclamation No. 1906, Series of 2009, ang buwan ng Oktubre kada taon ay idinideklarang ‘National Indigenous Peoples Month.’ (MICKA BAUTISTA)

About Micka Bautista

Check Also

duterte china Philippines

PMP: Destabilisasyon, alyansang Duterte-Tsina

BINATIKOS ng Partidong Mangaggawang Pilipino (PMP) ang destabilization plot na pinaniniwalaang instigasyon sa kampo ng …

120423 Hataw Frontpage

Pagbomba sa MSU gym inako ng Islamic group

HATAW News Team INAKO ng Islamic State militants ang repsonsibilidad sa pagpapasabog sa gymnasium habang …

120423 Hataw Frontpage

Meralco, may P150-B utang na refund sa consumers

TAHASANG sinabi ng dating commissioner ng Energy Regulatory Commission (ERC) na may P150 bilyong utang …

Panay Guimaras NGCP electricity

Sa TRO ng Korte Suprema
PANAY-GUIMARAS INTERCONNECTION NG NGCP NABALAHO

TULUYAN nang maaantala ang isa sa mga priority project ng  National Grid Corporation of the …

SMFI 397 scholar 1

SM Foundation lauds 397 college scholar-graduates  

The SM Foundation (SMFI) celebrates the feat of 397 SM scholars from class 2023, including …