Sunday , May 19 2024
Dr Michael Aragon Jericka Madrigal Ericka Bale

Erica at Jericka napasabak ng aktingan; makukulay ang buhay

SHOWBIZ KONEK
ni Maricris Valdez Nicasio

WAGAS talaga kung tumulong ang founder at presidente ng Kapasinan ng mga Social Media Broadcasters ng Pilipinas Inc, (KSMBPI) na si Dr. Michael Aragon dahil linggo-linggo ay nagbibigay siya ng update sa ginagawa nilang pelikula, ang Socmed Ghosts kasabay ng pagpapakilala at pagmamalaki sa mga bida rito. 

Ayon kay Dr. Michael, tapos na ang  shooting ng horror-advocacy movie at sisimulan na rin nila ang kasunod nito sa Nobyembre. Pangako kasi ni Doc Michael, buwan-buwan ay may kailangan silang matapos na pelikula para mabigyang pagkakataon ang mga sumailalim sa kanilang workshop na maipakita pa ang kanilang talento.

Tulad ni Chase Romeo na napanood noon sa Ang Probinsyano, siya ang nabigyang pagkakataon para magbida rito sa Socmed Ghosts kaya naman ganoon na lamang ang katuwaan nito sa KSMBPI.

Ang sunod namang nakausap namin ay sina Erica Blake at Jericka Madrigal na malaki at importante rin ang gagampanang papel sa pelikula.

Gagampanan ni Jericka ang role ni Lyka na napasabak sa child prostitution dahil sa kanilang mga magulang. Si Erica naman ay si Cassandra ang nakatatandang kapatid ni Lyka na isa ring sex worker.

Aminado kapwa ang dalawa na nahirapan sila sa mga unang araw ng kanilang shooting pero mabilis nilang nakasanayan ang kanilang ginagawa. Lalo na si Jericka na matagal na palang umaarte.

Ani Jericka, nagdo-double na siya sa mga teleserye at nagmo-model na rin. Si Erica naman ay  game magpa-sexy kung kailangan. Idol niya si Andrea Brillantes at ang Vivamax bombshell na si Christine Bermas. At dahil kumakanta rin siya, idolo niya si Sarah Geronimo.

Parehong makulay ang buhay nina Jericka at Erica kaya nakatitiyak kaming marami silang paghuhugutan ng kanilang akting. 

Ang Socmed Ghosts ay idinirehe nina Jojo Albano at Karlo Montero, katuwang sina Pete Mariano at Jeremiah Palma.

Muli inulit ni Doc Mike na napapanahon at may social relevance ang kuwento ng Socmed Ghosts movie na siya mismo ang nagsulat. Ukol kasi ito sa extra judicial killings, extreme hunger and poverty, child prostitution at climate justice.

Ang mga tauhan sa pelikula ay nabiktima ng nasabing pangyayari. Namatay sa baha at paglapastangan sa kalikasan, nalason sa pagkain ng pagpag dahil sa kahirapan, pagbubugaw ng sariling mga magulang para ibenta ang anak at extra judicial killings.

Sinabi pa ni Doc Mike na sa pamamagitan ng kanilang pelikula, maipakikita roon ang kanilang advocacy na makatulong at maipakita sa mundo ang mga kaganapan sa ating bansa.

Idinagdag pa ni Doc Mike na walang halong politika ang mga pelikulang gagawin ng KSMBPI. 

Ipalalabas din ang Socmed Ghosts sa iba’t ibang parte ng mundo at isasali nila sa iba’t ibang film festivals abroad. 

About Maricris Valdez Nicasio

Check Also

Piolo Pascual Mallari

Piolo Pascual muling nasungkit Best Actor trophy para sa Mallari

MULING nasungkit ni Piolo Pascual ang Best Actor award para sa kanyang pagganap sa Mallari sa katatapos na Box …

Vice Ganda Piliin Mo Ang Pilipinas

Vice Ganda ipinakita ‘problema’ sa ‘Pinas sa Piliiin Mo Ang Pilipinas challenge

MA at PAni Rommel Placente NAG-POST at nakisabay na rin ang Unkabogable Star na si Vice …

Coleen Garcia Billy Crawford

Coleen sa mga humuhusga sa kapayatan ni Billy—He’s more than okay, wala na siyang mga bisyo

MA at PAni Rommel Placente MARAMING lumalabas na haka-haka nang mag-viral ang picture ni Billy Crawford sa …

Miss Lipa Tourism 2024

Ganda ng Lipa ibibida sa buong mundo

MATABILni John Fontanilla LABINLIMANG naggagandahan at lovely candidates mula sa iba’t ibang lugar sa Lipa …

Kira Balinger Kelvin Miranda

Kira  inamin feelings kay Kelvin: may kaunti, ang pogi kasi niya

MATABILni John Fontanilla KAHIT walling nabuong relasyon kina Kira Baringer at Kelvin Miranda, lead actors ng pelikulang, Chances Are, …