Friday , November 25 2022
Angela Morena

Paula nag-iiyak ‘di makabitaw sa Tubero

SHOWBIZ KONEK
ni Maricris Valdez Nicasio

PAGKARAAN ng tatlong pelikulang kasama si Angela Morena, mabibigyan na siya ng pagkakataon para magbida, ito ay sa sex-drama na Tubero na idinirehe ni Topel Lee at collaboration ng APT Entertainment at Viva Films. Kasama rito sina Vince Rillon at JC Tan.

Biggest break sa career ni Angela ang Tubero. “This is my first film na drama-erotic and thankful ako sa Viva at sa APT Entertainment na akong kinuha nila for the role of Paula.

“Salamat sa tiwala nila at ni Direk Topel Lee. Sobra akong na-immerse sa character ni Paula dahil kahit tapos na ang shoot, hindi ko pa rin mabitiwan ‘yung role at hanggang pag-uwi, umiiyak ako,” pag-amin ng dalaga.

Ang Tubero ay ukol sa pag-ibig, loyalty, passion, sex, at kung paanong hindi bumitaw sa isang relasyon ano pa man ang pagdaanan. Mapapanood ang Tubero sa October 21, 2022, streaming exclusively sa Vivamax.

Susubukin sina Paula (Angela) at Logan (JC Tan) sa kanilang relasyon dahil hindi maibigay ni Paula ang sexual satisfaction kay Logan.

Kahit na likas na mahinhin at conservative si Paula, makikipag-deal siya kay Logan at bibigyan ng ultimatum na magsasalba o magiging katapusan ng kanilang relasyon.

Para hindi iwanan ni Logan, magiging determinado si Paula na ibigay ang gusto nito. Hihingi siya ng tulong kay Gimo, isang tubero na may extra service at nagbibigay aliw sa mga nagiging clients.

May mangyayari sa kanilang dalawa na magbibigay ng sexual awakening kay Paula. Pero ang dapat sana’y isang beses lang na pangyayari at inaasahan ni Paula na makatutulong sa pagsasama nila ni Logan ay magiging daan pala para mas lumalim at mas uminit ang relasyon nila ni Gimo.

Ani Angela gusto niya ang karakter na ginagampanan niya sa pelikula. “Feel na feel ko ‘yung character ko kasi writer siya and professor pa. Feel ko rin ‘yung pagiging vulnerable ni Paula na pagdating sa love, ibibigay ang lahat.

“Pero roon sa sex scenes, hindi ako nakare-relate. Hindi ko rin kayang gawin ‘yung ginawa ni Paula na just to save yourself with your partner, makikipag-sex ka sa iba,” ani Angela.

Natanong si Angela kung mahalaga sa kanya ang magaling sa sex na dyowa. Sagot niya, “For me, it’s not really a big deal. Mas importante sa akin ang love kaysa sex lang. Puwede n’yo namang i-work out ‘yung tungkol sa sex para malaman n’yo what will please each other.”

About Maricris Valdez Nicasio

Check Also

A Mermaid For Christmas Arsi Grindulo Jr

Pelikulang Pamasko aarangkada na sa mga sinehan

COOL JOE!ni Joe Barrameda CHRISTMAS is in the air na talaga after malaman namin ang …

Nadine Lustre Louise delos Reyes McCoy de Leon Mikhail Red

Nadine, Louise, McCoy mananakot sa Deleter

COOL JOE!ni Joe Barrameda ISANG horror movie ang Deleter na pinagbibidahan nina Nadine Lustre, Louise delos Reyes, at McCoy …

Allan K Maja Salvador Jose Manalo Wally Bayola Maine Mendoza Arjo Atayde

Bagong negosyo ni Allan K sinuportahan ng EB Dabarkads

I-FLEXni Jun Nardo SUMIGLANG muli ang Sunshine Blvd, compound nang magbukas nitong nakaraang araw ang Clowns …

Ruffa Gutierrez 2

Pagiging politiko ‘di pinangarap ni Ruffa — First lady ang gusto ko!

I-FLEXni Jun Nardo WALANG balak si Ruffa Gutierrez na pasukin ang politika. “First Lady ang gusto ko. …

Blind Item, Gay For Pay Money

Dating male star P5k kapalit ng scandal video

ni Ed de Leon “MAGPAPADALA po ako ng video ko, kita mukha ko, kita lahat-lahat. …