Friday , February 14 2025
Bulacan

Mahigit 4,000 na evacuees sa Bulacan bumalik na sa kanilang mga tahanan matapos ang Super TY Karding

MAY kabuuang 4,760 na indibidwal ang ligtas nang nakabalik sa kanilang mga tahanan noong Martes, Setyembre 27, 2022, matapos lumikas sa pananalasa ng super typhoon Karding noong Lunes.

Sa kanilang pananatili sa iba’t ibang evacuation centers sa Bulacan, tumanggap ang mga evacuees ng family food packs (FFP) at non-food items (NFI) kabilang na ang emergency kits na may lamang mga banig at kumot mula sa Provincial Social Welfare and Development Office.

Sa tala noong Martes, may kabuuang 266 na pamilya ang nananatili pa rin sa mga evacuation center sa Obando, San Miguel, at Calumpit at patuloy na tumatanggap ng tulong mula sa Pamahalaang Panlalawigan ng Bulacan.

Sinabi naman ni Gob. Daniel R. Fernando na hindi naman pahihintulutan ng Pamahalaang Panlalawigan na bumalik ang mga natitirang evacuees sa kanilang mga bahay hangga’t hindi pa ito ligtas.

“Sinisikap po natin na suportahan ang lahat ng mga pamilyang napinsala ng bagyong ito. Ang Pamahalaang Panlalawigan po ay patuloy na tumutugon sa kanilang mga pangangailangan at naka-alalay sa kanilang muling pagsisimula,” anang gobernador.

Samantala, nakapagtala naman ang lalawigan ng P415,104,207.07 na kabuuang halaga ng mga pinsala sa agrikultura at pangisdaan dulot ng bagyo ayon sa partial at unofficial report mula sa Provincial Agriculture Office at kabuuang halaga ng P10,118,400 na pinsala sa paghahayupan at mga manukan.

 Sinabi naman ng pinuno ng PAO na si Gloria SF. Carrillo na nagsasagawa ang Pamahalaang Panlalawigan ng patuloy na on-site damage assessment upang makabuo ng plano para matugunan ang mga pinsala. (MICKA BAUTISTA)

About Micka Bautista

Check Also

Dead Road Accident

Nasagasaan ng truck matapos mabunggo ng MPV Laborer patay sa Antipolo

NAMATAY noon din ang isang 35-anyos construction worker matapos mabangga ng isang multi-purpose vehicle (MPV) …

marijuana

2.25 kilo ng damo kompiskado, 2 suspek nakasibat

TINATAYANG mahigit sa dalawang kilong pinatuyong dahon ng marijuana ang nakompiska ng mga awtoridad sa …

Bigas NBI Bocaue Bulacan

‘Modus’ sa Bocaue bistado ng NBI  
IMBAK NA LUMANG BIGAS PLUS HALONG VARIETY AT PABANGONG PANDAN EQUALS PREMIUM RICE

ni MICKA BAUTISTA NADISKUBRE ng National Bureau of Investigation (NBI) ang isang bodega sa Bocaue, …

Sa Bulacan Makeshift drug den binuwag ng PDEA

Sa Bulacan  
Makeshift drug den binuwag ng PDEA

WINASAK ng mga operatiba ng PDEA Bulacan Provincial Office ang isang makeshift drug den na …

MMDA Taguig Baha Basura

MMDA ipinagkaloob sa Taguig trap, kagamitan bilang paghahanda sa baha, basura

OPISYAL na ipinagkaloob ng Metropolitan Manila Development Authority (MMDA) ay ng mga trap o bitag …