Monday , June 24 2024
5 rescuers na nasawi sa Bulacan bibigyan ng espesyal na pagpupugay

5 rescuers na nasawi sa Bulacan bibigyan ng espesyal na pagpupugay

 ISANG espesyal na pagpupugay para parangalan ang limang ‘bayaning tagapagligtas’ na nasawi habang nagliligtas ng buhay noong kasagsagan ng super typhoon Karding ang nakatakdang ganapin sa Biyernes, Setyembre 30, 2022, alas 3:00 ng hapon sa Bulacan Capitol Gymnasium dito.

Tinawag na “Salamat at Paalam… Bayaning Tagapagligtas! Luksang Parangal para sa mga Yumaong Lingkod Bayan”, dadaluhan ito ng pamilya ng mga biktima, empleyado ng Pamahalaang Panlalawigan ng Bulacan sa pangunguna nina Gob. Daniel R. Fernando at Bise Gob. Alexis C. Castro, rescuers mula sa iba’t ibang probinsiya at mga munisipalidad sa bansa, opisyales mula sa nasyonal at rehiyon na ahensiya kabilang ang Department of Social Welfare and Development, Department of the Interior and Local Government, Office of Civil Defense, National Disaster Risk Reduction and Management Council at iba pang mga panauhin.

Sa huling sandali, bibigyan ang publiko ng pagkakataon na makita at makapag-usal ng panalangin, papuri at pasasalamat para sa limang bayani na sina George E. Agustin mula Iba O’ Este, Calumpit; Troy Justin P. Agustin ng Sta. Rita, Guiguinto; Marby A. Bartolome ng Bulihan, Lungsod ng Malolos; Jerson L. Resurreccion ng Catmon, Santa Maria; at Narciso Calayag Jr. ng Lungsod ng Malolos.

Isang misa ang idaraos bago ang programa na susundan ng pagpapalabas ng AVP, pagkanta ng pambansang awit, viewing ng mga opisyales ng Pamahalaang Panlalawigan at mga VIP, mensahe mula kay Fernando at iba pang mga indibidwal na nagnanais magbigay ng pananalita at magparating ng tulong.

Pagkakalooban din ang ‘fallen heroes’ ng plake ng pagkilala para sa kanilang hindi matatawarang paglilingkod.

Bibigyan din ng pagkakataon ang mga nagdadalamhating miyembro ng pamilya na magbigay ng kanilang tugon o mensahe ng pasasalamat.

Ayon sa kanilang kasamahan sa PDRRMO, bihasa at may sapat na pagsasanay ang mga nasabing responder kung saan nakapagsagawa na sila ng maraming rescue operation sa loob at labas ng probinsiya. Ngunit kung ito ang kanilang kapalaran, walang kaalaman, kasanayan o paghahanda ang makapagliligtas sa kanila sa aksidente. (MICKA BAUTISTA)

About Micka Bautista

Check Also

Toll collection sa Cavitex suspendido nang 30 araw

IPINAHAYAG ni Pangulong Ferdinand Marcos, Jr., ang magandang balitang natanggap niya mula sa Philippine Reclamation …

Bamban mayor, 13 pa inasunto sa ilegal na POGO

NAHAHARAP sa isang asuntong kriminal  si Bamban, Tarlac Mayor Alice Guo kasama ang 13 iba …

Sa asuntong human trafficking  
MAYOR ALICE GUO KOMPIYANSA VS PARATANG  
Walang ebidensiya para tawaging kasabwat

HATAW News Team NANINDIGAN si Bamban Tarlac Mayor Alice Guo na wala siyang koneksiyon sa …

Two DOST Region 02 Women Earn Certification as CagVal RPGRPs 1

Two DOST Region 02 Women Earn Certification as CagVal RPGRPs

The Department of Science and Technology (DOST) Region 02 is proud to announce that two …

SM Fire Volunteers 1

BFP, DILG, and SM Prime empower communities through 1st fire volunteers assembly

In a demonstration of its commitment to community safety, the Bureau of Fire Protection (BFP) …