Friday , March 29 2024
Ynez Veneracion

Ynez ayaw na sa pagpapa-sexy

HARD TALK
ni Pilar Mateo

BALIK-PELIKULA ang sexy star na si Ynez Veneracion.

Sa pagkakataong ito, si Direk Njel de Mesa ang gagawa ng pagbabalik sa pag-arte ni Ynez na magko-comedy.

At ang leading man niya ay ang kilalang Faith Healer na si Nick Banayo. Na aming napag-alamang isa rin palang direktor at writer. At ilang indie films na rin ang nagawa. At ngayon nga, aarte pa.

Sa Ghost Informants, sari-saring personalidad ang sasakyan ni Ynez para sa paglutas ng mga bagay na hahanapan nila ng sagot ni Nick.

Sa preview ng The Miranda Bomb ni Direk Njel, nasabi ni Ynez na noon pa may offers sa kanya si Boss Vic (del Rosario) ng Viva Films.

Ang offer sa akin ni Boss Vic eh, sa Vivamax. At ang kaeksena ko raw eh super bagets na star nila. Tinanong ko ang gagawin ko. Alam ko naman na ‘pag Vivamax eh, sexy talaga o super sexy talaga ang mga eksena na ginagawa.

“Ano ba ‘yung level 5 daw na pagpapa-sexy?”

Ipinaliwanag naman namin kay Ynez kung hanggang saan pwede humantong ang mga level-level ng hubaran ngayon. Lalo sa Vivamax. Na lahat eh, pwede nang mabuyangyang. At mas marami nga ang ‘di na gumagamit ng plaster.

“Ay, kaya pala sabi ng management ko (kay Sylvia Sanchez), hindi ko na kailangan ‘yung gawin. Dahil sabi nga ng nagha-handle sa akin na si Ana Goma, graduate na ako sa pagpapa-sexy. Kaya ibang level na rin ang dapat na salangan ko now. Drama o kaya comedy. Itong gagawin namin kay Direk Njel may action din! ‘Yung sa Vivamax  si Direk Law Fajardo sana ang magiging direktor ko.”

Dahil sa dalawa niyang mga anak, kaya rin iniingatan ni Ynez ang pagtanggap ng mga role na gagawin niya sa harap ng kamera.

“Iba na ang pakiramdam. Gusto ko pa rin siyempre umarte. Pero ‘yun nga. Iba naman na.”

About Pilar Mateo

Check Also

Marissa Delgado Marian Rivera

 Marissa Delgado tagahanga ni Marian, gandang-ganda sa aktres

RATED Rni Rommel Gonzales SI Marissa Delgado, na gumaganap na si Nova, ang masungit na biyenan ni Marian …

Marian Rivera My Guardian Alien

Marian sa alien—parang ang sarap niyang maging kaibigan

RATED Rni Rommel Gonzales NATANONG ang Kapuso Primetime Queen, Marian Rivera kung naniniwala ba siya na totoong …

Donny Pangilinan Belle Mariano DonBelle Cant Buy Me Love

Serye ng DonBelle laging nasa Top 10 sa Netflix

AYON sa lead stars ng top-rating series na Can’t Buy Me Love na sina Donny Pangilinan at Belle Mariano, mas …

Xian Lim

Xian sa love: painful and a magical feeling

MA at PAni Rommel Placente NOONG nakaraang Biyernes, March 22, si Xian Lim ang naging guest sa Fast …

Vina Morales

Vina Morales nanibago, natuwa sa muling paggawa ng pelikula

PUSH NA’YANni Ambet Nabus LAST 2015 pa pala huling nakagawa ng movie si Vina Morales with Robin Padilla. …