Thursday , February 29 2024
NBI

Tinapyas na budget ng NBI ibalik, laban vs cybercrimes paigtingin – solon

SA LAYUNING mapaigting ang laban ng bansa kontra insidente ng cybercrimes, kumilos si Senador Win Gatchalian upang ibalik ang natapyas na pondo ng National Bureau of Investigation (NBI) para sa susunod na taon.

Nagpahayag ng pagkabahala ang senador matapos bawasan ang 2023 budget ng ahensiya batay sa National Expenditure Program (NEP).

Mula sa aktwal na pondong P2.3 bilyon ngayong taon, lumiit ito sa P1.8 bilyon para sa 2023.

Dahil dito, nabawasan ng halos 20 porsiyento ang pondong inilaan para sa anti-cybercrime enforcement unit ng NBI para sa susunod na taon.

Bumaba ito sa P21.2 milyon mula sa budget ngayong taon na P26.4 milyon.

“Kritikal ito,” ani Gatchalian, “dahil maaaring maapektohan ang operasyon laban sa cybercrimes lalo sa panahong patuloy na tumataas ang insidente ng credit card fraud, identity theft, at paglaganap ng mga spam at phishing messages.”

Dagdag ng senador, “ngayonhigit na kailangan ng mas mataas na pondo para rito habang inaasahan ang nalalapit na pagpasa sa senado ng SIM registration bill.”

“Ang mga insidente ng cybercrime ay umuusbong sa maraming teritoryo kabilang ang Filipinas. Ang nais natin ay maging advanced ang NBI para labanan at matunton ang mga kawatan kaya kailangang kompleto ang gamit nila,” ani Gatchalian.

“Gagawin namin ang aming makakaya upang maibalik ang halaga na nabawas sa panukalang budget,” ayon kay Gatchalian bilang suporta sa pagsisikap ng NBI laban sa cybercrime.

Aniyia, ang napipintong pagpasa ng mandatory registration ng mga SIM card ay inaasahan din na magbibigay-daan sa NBI para epektibong maipatupad ang anti-cybercrime campaign nito.

Binigyang-diin ng senador, ang malaking pagbawas sa bilang ng mga cybercrimes sa bansa ay makatutulong sa pagpapahusay ng digital revolution sa bansa at pagpapatibay sa pagbangon ng ekonomiya.

“Kailangan nating magbigay ng nararapat na suporta sa NBI para mapigil ang mga kawatan na lalo pang nagiging sopistikado ngayon. Kung nais nating paigtingin ng ahensiya ang pagpuksa nila ng cybercrimes, ibigay natin ang lahat ng nararapat na suporta sa kanila,” pagtatapos ni Gatchalian.  (NIÑO ACLAN)

About Niño Aclan

Check Also

Mr DIY Team Kramer 500 1

Team Kramer Joins MR.DIY in Celebrating 500th Store Milestone in Panglao, Bohol

MR.DIY Philippines CEO Roselle Andaya, alongside Doug and Cheska Kramer, jointly pressed the button to …

SM Foundation farmer 1

From passion to prosperity
SM Foundation farmer-beneficiary now an agripreneur, draws inspiration from Henry Sy, Sr.

KSK alumna Virgie with some of her mushroom chicharon products Gone are the days when …

Buddy Encarnado NCRAA

Bago, talentadong local cager target sa NCRAA 30th Season

HANGAD ni General Manager Buddy Encarnado, dating PBA chairman at team governor ng Sta. Lucia, …

Krystall Herbal Oil

Insekto at kulubot pinatalbog ng krystall herbal oil

Back to BasicNATURE’S HEALINGni Fely Guy Ong Dear Sis Fely Guy Ong,          Good morning …

April Aguilar Brgy Pilar Las Piñas

VM Aguilar pinangunahan ang pagtulong sa mga nasunugan sa Brgy. Pilar

PINANGUNAHAN ni Las Piñas City Vice Mayor April Aguilar ang pamamahagi ng tulong sa mga …