Tuesday , September 27 2022

UFFC: PROTEKSIYON NG ERC UNA DAPAT SA CONSUMERS

DAPAT protektahan ng Energy Regulatory Commission (ERC) ang mga consumer laban sa banta ng pagtataas sa singil ng koryente.

Binigyang diin ni United Filipino Consumers and Commuters (UFCC) president Rodolfo Javellana, Jr., na hindi dapat matakot ang ERC na desisyonan ang apela ng South Premier Power Corporation (SPPC) at San Miguel Electric Company (SMEC) na makawala sa Power Supply Agreement (PSA) na kanilang nilagdaan kasama ng Meralco sa kanilang mga konsumer.

Ayon sa UFCC, hindi pa nakababangon sa pagkakalugmok sa hagupit ng pandemya ang hanay ng mga konsumer para bigyan na naman ng higit pang pasanin.

“Hindi dapat matakot ang ERC sa mga oligarko. Dapat nilang panindigan ang kanilang mandato. No’ng panahon na hindi mataas ang presyo ng langis at krudo sa merkado, hindi naman umangal ang mga konsumer na nakatali sa PSA sa kanilang binabayaran. Bakit ngayon hindi panindigan ng SPPC, SMEC, at Meralco ang kanilang pinasok na legal na kontrata sa ating mga konsumer? Bakit kailangang ipasa ang pasanin kay Juan dela Cruz?” pahayag ni Javellana Jr.

Sa isinagawang rally kaapon ng UFCC sa tanggapan ng ERC sa Pasig, binatikos ng grupo ang umano’y tila sabwatan sa pagitan ng Meralco na inaasahang magbabalanse para sa proteksiyon ng mga konsumer, SPPC at SMEC.

“Nakaaalarma na tila hino-hostage nila ang mga konsumer sa kagustuhan nilang ibasura ang sagradong kasunduang nagbibigay proteksiyon sa atin,” giit ni Javellana.

Idinagdag ng UFCC, ang pahayag na posibleng higit pang pagtaas sa presyo ng koryente kung hindi papayagan ng ERC ang hiling ng SPPC, SMEC, at Meralco ay maituturing na pananabotahe sa ekonomiya ng Filipinas.

“Malinaw pa sa sikat ng araw ang bantang paghinto sa 4 Oktubre 2022 ng mga planta na nagge-generate ng koryente ay klarong pangho-hostage sa mga konsumer, tahasang pananakot sa ERC at sa ating gobyerno!” pahayag ng grupo.

Kasabay nito, hinamon ng UFCC ang bagong ERC Chairman na si Atty. Monalisa Dimalanta na siyang tanodbayan sa koryente na huwag matakot sa banta ng mga oligarko at huwag magbingi-bingihan sa hinaing ng sambayanang Filipino na proteksiyonan ang mamamayan laban sa dikta ng mga dambuhalang korporasyon ng koryente sa bansa.

About hataw tabloid

Check Also

arrest posas

Miyembro ng kilabot na criminal gang nasakote

ARESTADO ang isang hinihinalang miyembro ng kilabot na criminal gang na nakatala bilang isang high …

Angat Dam

Sa kabila ng patuloy na pag-ulan…
TUBIG SA ANGAT DAM BUMABABA PA RIN

SA kabila ng patuloy na pag-ulan sa Metro Manila at mga karatig-lugar, patuloy na bumababa …

Bong Revilla Jr Lani Mercado

Sen Bong wala nang balak tumakbo sa mas mataas na posisyon

SHOWBIZ KONEKni Maricris Valdez Nicasio “SA kanila na ang posisyon!” Ito ang iginiit ni Sen Bong Revilla nang …

Sta Maria Bulacan

Sa Sta.Maria, Bulacan…
2 PUSAKAL NA TULAK NASAKOTE

NAGWAKAS ang maliligayang araw ng dalawang hinihinalang tulak na responsable sa pagkakalat ng ilegal na …

pinuno ng pamahalaan Bulacan

Matibay at umaayon sa pagbabago <br> MGA PINUNO NG BULACAN, NAGKAISA SA PAGRESOLBA NG MGA ISYU NG LALAWIGAN

SA isang pambihirang pagkakataon, nagsama-sama ang mga pinuno ng pamahalaan sa Bulacan sa pangunguna nina …