Tuesday , September 27 2022
AKSYON AGAD ni Almar Danguilan
AKSYON AGAD ni Almar Danguilan

Pagdukot, pagpapatubos sa mga Tsinoy, lumala na naman?

AKSYON AGAD
ni Almar Danguilan

NAKAPAPANGAMBA ang ulat ng Philippine Chinese Chamber of Commerce and Industry, Inc. (PCCCII) na lumalala  naman (daw) ang pagdukot at pagpapatubos sa mga Fil-Chinese.

‘Ika nga ng PCCCII, umaabot na sa 56 kaso ng  pagdukot na naitatala ng kanilang samahan at nangyari ang lahat sa loob lamang ng sampung araw.

Aba’y kung totoo nga itong ulat ng PCCCII, buhay na buhay nga naman ang kidnapping sa mga kababayan nating Tsinoy. Hindi biro ang bilang na 56 kaso sa loob ng 10-araw. Ano ito, bumabalik ang mga nangyari noong early 1990s?

Yes, naalala ko kasi noong nasa field pa tayo bilang reporter (early 1990s), ang mga istorya na ginagawa namin noon ay patungkol sa kidnapping with ransom. Halos araw -araw iyan. Kung hindi kidnapping ay bank robbery, armored van robbery, at iba. Madalas nangyayari ito, tuwing suweldo “15-30.”

Nakalulungkot nga lang na kadalasan ay nakalulusot ang mga kriminal at ang masaklap ay nag-iiwan pa sila ng patay. Mga guwardiya o escort ng van ang napapatay ng mga holdaper. Ganoon katindi ng krimen noon.

Hindi naman nagtagal, halos wala na o natigil na ang kaso ng kidnapping maging ang bank at armoured van robbery. Tumahimik ang mga sindikato dahil sa pinaigting na kampanya ng pulisya.

Ngayon, aba’y tila’y nanumbalik na yata ang pagdukot, akalain ninyo 56 katao sa tropa ng mga Fil-Chinese businessmen ang dinukot at pinatubos sa loob lamang ng 10 araw.

Bad news ito Ginoong PNP Chief, Gen. Rodolfo Azurin…aba’y within ten days at sa termino pa ninyo nangyari ang lahat. Ano na ang nangyayari sa pagbabantay ng pulisya natin? Balik pansiterya na naman yata ang mga pulis natin kaya nalulusutan ng mga kidnapper.

Hindi lang daw mga Fil-Chinese ang mga biktima kung hindi mayroon din mga Pinoy.

Anyway, in fairness sa pulisya natin, talagang nagtatrabaho at nagbabantay naman sila. Iyong nga lang kung minsan naman ay nalulusutan. Kung minsan nga lang ba o madalas?

Anang PNP, walang katotohanan ang ulat na pagdukot at sa halip kung mayroon man, base sa rekord ng PNP, apat na kaso lamang ng kidnapping ang nairereport, malayong-malayo sa sinasabing bilang na 56 sa loob ng 10 araw.

Bagamat, sa talaan ng PNP Anti-kidnapping group, nakapagtala na sila ng 27 kaso ng pagdukot simula noong Enero hanggang sa kasalukuyang buwan. Malayo pa rin sa sinasabing 56 kaso. At karamihan sa dinukot ay mga kawani ng Philippine Offshore Gaming operators (POGO).

Ano pa man, 27 kaso o 56 kaso ng pagdukot at pinatubos, hindi iyon ang mahalaga at sa halip, patunay ang mga nasabing bilang na mayroong nangyayaring pagdukot o buhay na naman ang mga kidnap for ransom group kaya, dapat maging alerto ngayon ang PNP.

Kailangang paigtingin ng PNP ang kampanya laban sa kriminalidad lalo sa kidnapping. Hindi naman lingid sa kaalaman natin na ang trabaho ng pulisya ay bigyang proteksiyon ang mamamayan lalo ngayong nagbalik eskuwela na ang mga bata — at dapat rin imbestigahan ang sinasabi ng tropa ng Chinese businessmen na talamak ulit ang pagdukot sa kanilang komunidad bago pabulaanan ang isiniwalat ng PCCCII.

About Almar Danguilan

Check Also

FIRING LINE ni Robert B. Roque, Jr.

Bagong director, bagong imahen ng NBI, tama?

FIRING LINEni Robert B. Roque, Jr. KAPWA may espesyal na pagkakakilanlan sina Energy Secretary Raphael …

Dragon Lady Amor Virata

Food crisis nakaamba, paano na ang Pinoy?

Isumbong mokay DRAGON LADYni Amor Virata KUNG sakaling magkaroon ng food crisis sa darating na …

YANIG ni Bong Ramos

Mga pulis sa Blumentritt  Detachment, tunay  na mga trabahador

YANIGni Bong Ramos KUNG may patimpalak o ‘di kaya’y kompetisyon para sa best police detachment …

ULINIG ni Randy V. Datu

Sa dumaraming imported frozen
AGRI-PRODUCTS MULA CHINA, ATBP PAMILIHAN, LIGTAS NGA BA?

ULINIGni Randy V. Datu MULA nang isulat ko ang column na Ulinig sa respetado at …

Dragon Lady Amor Virata

Tanglawan Festival sa CSJDM binagyo

Isumbong mokay DRAGON LADYni Amor Virata GALIT yata ang kalikasan sa mga opisyal ng lokal …