Tuesday , September 27 2022
MMDA, NCR, Metro Manila

 ‘Tag,’ ‘alarma’ sa nahuling sasakyan tanggalin — MMDA

HINILING ng Metropolitan Manila Development Authority (MMDA) sa Land Transportation Office (LTO) ang pag-aalis ng ‘tag’ at ‘alarm’ ng mga sasakyang lumabag sa polisiya ng No Contact Apprehension Policy (NCAP) kasunod ng ipinalabas na temporary restraining order (TRO) ng Korte Suprema na nagsuspende sa nasabing polisiya. 

Sa liham sa Stradcom Corporation, ang service provider ng LTO, sinabi ni  MMDA Acting Chairman Carlo Dimayuga III, ang malaking bilang ng mga may-ari ng mga sasakyan ay na-tag at inilagay sa ilalim ng alarma sa LTO sa ilalim ng NCAP ng MMDA na hindi maaaring mag-renew at/o ilipat ang pagpaparehistro ng kanilang mga sasakyang de-motor dahil ang awtoridad  ay hindi tumatanggap ng bayad sa mga multa na nakasaad sa violation, habang suspendido ang NCAP.

“Without violating the Supreme Court TRO and with the higher interest of public service, the MMDA hereby requests the Stradcom Corporation to temporarily lift the tagging and alarm of the affected motor vehicles under the MMDA’s NCAP,” saad sa liham ni Dimayuga.

Sa pamamagitan umano ng pag-aalis sa tagging at alarm ay maaari nang makapag-renew o mailipat ang registration sa LTO, aniya.

Binigyang-diin ni Dimayuga, ang kahilingan ay walang pagkiling sa pinal na desisyon ng Korte Suprema at ibabalik kapag pinagtibay ng High Tribunal ang legalidad ng MMDA NCAP.

Sakop din ng pansamantalang pag-aalis ng alarma at pag-tag ang mga may-ari ng sasakyan na hinuli ng MMDA NCAP ang mga hindi pa nakapagbabayad ng kanilang multa bago pa man naglabas ng TRO ang Korte Suprema sa polisiya noong 30 Agosto.

Simula nang ibaba ang TRO, agad sinuspende ng MMDA ang pagpapatupad ng NCAP kabilang ang pagkolekta ng multa ‘until further notice.’  (GINA GARCIA)

About Jaja Garcia

Check Also

arrest posas

Miyembro ng kilabot na criminal gang nasakote

ARESTADO ang isang hinihinalang miyembro ng kilabot na criminal gang na nakatala bilang isang high …

Angat Dam

Sa kabila ng patuloy na pag-ulan…
TUBIG SA ANGAT DAM BUMABABA PA RIN

SA kabila ng patuloy na pag-ulan sa Metro Manila at mga karatig-lugar, patuloy na bumababa …

Bong Revilla Jr Lani Mercado

Sen Bong wala nang balak tumakbo sa mas mataas na posisyon

SHOWBIZ KONEKni Maricris Valdez Nicasio “SA kanila na ang posisyon!” Ito ang iginiit ni Sen Bong Revilla nang …

Sta Maria Bulacan

Sa Sta.Maria, Bulacan…
2 PUSAKAL NA TULAK NASAKOTE

NAGWAKAS ang maliligayang araw ng dalawang hinihinalang tulak na responsable sa pagkakalat ng ilegal na …

pinuno ng pamahalaan Bulacan

Matibay at umaayon sa pagbabago <br> MGA PINUNO NG BULACAN, NAGKAISA SA PAGRESOLBA NG MGA ISYU NG LALAWIGAN

SA isang pambihirang pagkakataon, nagsama-sama ang mga pinuno ng pamahalaan sa Bulacan sa pangunguna nina …