TIMBOG ang dalawang drug suspects sa ikinasang drug buy bust operation ng mga tauhan ng Drug Enforcement Unit ng Southern Police District (SPD) sa MIA Road sa harapan ng Tambo National High School, Parañaque City.
Kinilala ang mga suspek na sina Jovelyn Yuzon Ayuste, a.k.a Kim, 25 anyos (SLI-Pusher), at Robert John Lalisan Valle, 34 anyos.
Nakompiska mula sa mga suspek ang 13 heat sealed transparent plastic sachets na naglalaman ng hinihinalang shabu na aabot sa 35 grams, nagkakahalaga ng P238,000 at buy bust money.
Ang mga suspek ay dinala sa SPD DDEU Office para sa nakatakdang pagsasampa ng kasong paglabag sa Article II, may kaugnayan sa RA 9165 o Comprehensive Dangerous Drug Act of 2002. (GINA GARCIA)
