Wednesday , June 19 2024
Bulacan Police PNP

5 tulak, 9 pa timbog sa Bulacan

ARESTADO ang limang hinihinalang mga tulak kasama ang apat na pinaghahanap ng batas at limang huli sa aktong nagsusugal sa pinaigting na kampanya ng pulisya laban sa kriminalidad sa lalawigan ng Bulacan, hanggang nitong Lunes ng umaga, 5 Setyembre.

Sa ulat mula kay P/Col. Charlie Cabradilla, acting provincial director ng Bulacan PNP, nadakip ang limang drug suspects sa serye ng anti-illegal drugs operation na isinagawa ng Station Drug Enforcement Units (SDEU) ng mga himpilan ng pulisya ng San Rafael, Guiguinto, Malolos, San Jose del Monte, at Sta. Maria katuwang ang mga tauhan ng SOU 3, PNP DEG.

Kinilala ang mga suspek na sina Christian Alegre ng Brgy. Tibag, Baliuag; Romnick Ramos ng Sta. Rita, Guiguinto; Redgie Lema ng Brgy. Abulalas, Hagonoy; Shinred Ken Chua ng Brgy. Bulihan, Malolos; at Rodante Malate ng Brgy. Kaypian, San Jose del Monte.

Narekober mula sa mga suspek ang kabuuang 24 pakete ng selyadong plastik ng hinihinalang shabu at buy bust money.

Samantala, sa ikinasamg manhunt operations ng tracker teams ng San Jose del Monte CPS, Meycauayan CPS, Pulilan MPS, at Bulakan MPS, nadakip ang apat na wanted na indibidwal sa bisa ng warrant of arrest.

Kinilala ang mga akusadong sina Baby Cake Bondoc sa kasong Estafa at Cyberlibel alinsunod sa RA 10175; Aldrin Santos, Sexual Assault; Remeric Ablang, Estafa (other deceits); at Rojel Jose Buhay sa kasong Unjust Vexation.

Nasukol sa inilatag na anti-illegal gambling operations ng mga tauhan ng Meycauayan CPS sa Brgy. Malhacan, Meycauayan ang limang indibidwal na naaktohan sa pagsusugal ng ‘cara y cruz’ kung saan narekober sa kanila ang tatlong pisong barya at perang taya sa iba’t ibang denominasyon. (MICKA BAUTISTA)

About Micka Bautista

Check Also

blind item

Male starlet nagbanta kung walang project goodbye produ na

ni Ed de Leon INAMIN ng isang male starlet na ginawa niya ang lahat ng ipinagawa sa …

Navotas tumanggap ng 145 bagong athletic scholars

Navotas tumanggap ng 145 bagong athletic scholars

NAG-ALOK ang pamahalaang lungsod ng Navotas ng scholarship sa 145 Navoteño elementary at high school …

TiboQC Federation Pride March QC Joy Belmonte

300 miyembro ng TiboQC lalahok sa Pride Month

MAHIGIT 300 miyembro ng TiboQC Federation ang inaasahang lalahok sa Pride March sa lungsod sa …

Lunod, Drown

Naligo sa ulan 
8-ANYOS TOTOY PATAY SA CREEK

WALA NANG BUHAY nang matagpuan ng mga rescuer ang katawan ng isang batang lalaki na …

dead gun police

Mangingisda patay sa pamamaril

PATAY ang isang mangingisda matapos pagbabarilin ng hindi pa nakikilalang salarin sa bahagi ng karagatan …