Friday , September 30 2022
Phoebe Walker

Phoebe Walker, tampok sa ibang klaseng horror movie na Live Scream

ALAM MO NA!
ni Nonie Nicasio

MAY bagong horror movie si Phoebe Walker na pinamahalaan ni Direk Perci Intalan. Pinamagatang Live Scream, tampok din dito sina Elijah Canlas at Katrina Dovey.

Ipinahayag ng aktres na maraming kaabang-abang na eksena rito na swak sa mahihilig sa social media. Aniya,“Maraming twists and turns ang istorya at maraming makare-relate dahil po lahat tayo ngayon nakatutok sa internet/YouTube at may kani-kaniyang paboritong sinusubaybayan.

“Ang role ko sa movie, girlfriend po ako ni Elijah dito, we play the roles of Exo and Amanda, na parehas YouTuber/influencer couple. Ang karakter namin ni Elijah, among sa top earners ng streaming app, kaya makikita ang pressure at minsan desperation ng mga content creator to remain on top at maglabas ng orihinal na materyal – anoman ang maging kapalit.”

Wika ni Phoebe, “Kakaibang horror po ito, medyo may gore rin. Relevant to the new generation ngayon na adik sa social media at sa kung ano-anong pakulo na ginagawa ng content creators.”

Marami na rin nagawang horror genre ang aktres, kabilang dito ang Seklusyon na nanalo siya ng award, Kagat ng Dilim, Ukay-ukay, at serye sa Cignal/ TV5 na Tabi Po. Ito bang Live Scream ang pinakanakatatakot niyang pelikula?

Esplika ni Phoebe, “Hindi ko po kasi maihahambing sa mga nagawa kong horror noon. Ito kasi walang multo, o demonyo, totoong tao ang mga karakter at ang horror mula mismo sa ginagawa ng mga karakter sa isa’t isa rito sa istorya.”

Ano ang reaction niya nang nakita ang teaser ng Live Scream?

Tugon ng aktres, “Hindi ko pa po napapanood ang teaser, poster pa lang ang nakita ko. And I’m very confident in the movie already, dahil kita ko ang taste ni Direk Perci (Intalan) and his whole team, talagang siniguro naming in line lahat ng eksena at galaw para mabuo ang pelikulang ito.”

Bukod sa papuri kay Direk Perci, sinabi ni Phoebe na masaya siyang nakatrabaho si Elijah. “Kahit mas bata sa akin si Elijah, familiar ako sa projects at naging accomplishments niya. Grateful ako na nakatambal ko siya na sobrang generous sa eksena at kita rin ang puso sa ginagawa niyang trabaho.

“Bilang artista, apart from making sure you yourself, the director and producer are happy with your work, ang laking bonus niyon kung magaling din ang co-actors mo,” lahad ng aktres. “Dito sa Live Scream sobrang blessed ko with the cast, the director and crew,” dagdag na sambit pa ni Phoebe.

About Nonie Nicasio

Check Also

Barbie Imperial Carlo Aquino Trina Candaza

Barbie sa bintang na dahilan ng hiwalayang Carlo-Trina: Parang ‘yung mga tao gigil na gigil maging kabit ako ‘no? 

SHOWBIZ KONEKni Maricris Valdez Nicasio TILA nanggigigil si Barbie Imperial sa mga netizen na nagbibintang sa kanya …

Blind Item, Man Woman Fighting

Provincial tour’ ni male star buking ni GF aktres

ni Ed de Leon NA-SHOCK ang isang aktres nang malaman niyang ang kanyang boyfriend na male …

Vhong Navarro Ogie Diaz

Ogie ibinuking: Vhong dineadma ng isang kaibigan

MA at PAni Rommel Placente SABI nga, kapag ang isang tao ay gipit o may …

Polo Ravales

Polo sobrang naiyak nang tamaan ng Covid ang buong pamilya

MA at PAni Rommel Placente NOONG June 27 ay 40th birthday ni Polo Ravales. Supposedly, magkakaroon siya ng …

Sean de Guzman

Sean nakapagpundar na ng bahay at lupa

REALITY BITESni Dominic Rea SA magkasunod na buwan ay dalawang International trophy ang nasungkit ni Sean …