Monday , April 15 2024
deped Digital education online learning

Pagdinig sa overpriced laptop tatagal pa —Tolentino

AMINADO si Senador Francis “To” Tolentino, Chairman ng Blue Ribbon Committee, tatagal pa ang pagdinig ng senado ukol sa kontrobersiyal na pagbili ng laptop ng Department of Education (DepEd) sa pamamagitan ng Procurement Service ng Department of Budget and Management (PS-DBM).

Ayon kay Tolentino, hindi pa maliwanag kung sino o sino-sino ang mayroong pananagutan sa naturang isyu at kung talagang nagkaroon ng overpriced.

Sa ngayon, sinabi ni Tolentino, unang bahagi at pre-bidding pa lamang ang natatapos nila ngunit mayroon pang dalawang bahagi ng bidding, awarding, at delivery of goods or products.

Dahil dito, ipinasusumite ni Tolentino ang listahan ng lahat ng mga gurong tumanggap ng laptop upang matukoy kung tama ba ang specification na kanilang natanggap batay sa naganap na bidding process.

Tumanggi si Tolentino na magbigay ang kahit anong konklusyon sa usapin ng overpriced at maging sa ghost delivery dahil hindi pa tapos ang pagdinig.

Tiniyak ni Tolentino, mayroong katapusan ang pagdinig ngunit hindi niya matiyak kung kailan.

Sa susunod na Huwebes, nakatakda ang pangalawang pagdinig ng senado ukol sa isyu.

Samantala, hindi maaaring desisyonan ni Tolentino ang hindi pagdalo ni dating PS-DBM Head Lloyd Lao dahil mayroong mga hawak na dokumento ang mga senador na mayroon siyang lagda at kinalaman sa naturang transaksiyon.

Bukod dito, hindi makapagpalabas ang komite ng desisyon sa request ni Lao na bigyan siya ng isang sertipikasyon na naglalaman na wala siyang kinahaharap na kaso, contempt, at arrest warrant mula sa Senado.

Aminado si Tolentino, may mga senador na nagbigay ng kanilang opinyon ngunit hindi niya ito isasapubliko dahil kailangan niyang magpulong muna ang buong komite bago maglabas ng opinyon o pananaw. (NIÑO ACLAN) 

About Niño Aclan

Check Also

Isko Moreno

Yorme Isko tiniyak ‘di na tatakbo sa halalan 2025

I-FLEXni Jun Nardo SARADO na ngang talaga ang pinto ng politika kay Isko Moreno Domagoso kahit nasa …

COPA Swim Series Leg 3 RMSC Eric Buhain

COPA Swim Series Leg 3 sa RMSC

TULOY ang pagtuklas sa mga bagong talento sa isasagawang National Capital Region (NCR) One For …

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal …

DANIEL FERNANDO Bulacan

National wealth tax para sa likas na tubig
MOTION FOR RECONSIDERATION INIHAIN SA SC NG BULACAN GOV

NAGHAIN ng Motion for Reconsideration si Bulacan Gov. Daniel Fernando sa Korte Suprema sa naging …