Friday , March 29 2024
arrest, posas, fingerprints

3 DPs kalaboso sa P68K shabu, baril sa Valenzuela

BAGSAK sa kulungan ang tatlong hinihinalang drug personalities (DPs) nang makuhaan ng baril at P68,000 halaga ng shabu sa isang buy bust operation sa Valenzuela City.

Kinilala ni P/Lt. Joel Madregalejo, hepe ng Station Drug Enforcement Unit (SDEU) ng Valenzuela police ang mga naarestong suspek na sina Jonathan Awud, alyas Tutan, 34, Ronie Diaz, alyas Nuno, 34, at Richard Rivera, 24, pawang residente sa Brgy., Mapulang Lupa.

          Sa report ni P/Cpl. Pamela Joy Catalla kay Valenzuela police chief, Col. Salvador Destura, Jr., dakong 4:30 am nang magsagawa ang mga operatiba ng SDEU sa pangunguna ni P/EMSgt. Restie Mables ng buy bust operation sa CF Natividad St., Brgy. Mapulang Lupa at nagawang makipagtransaksiyon ni P/Cpl. Noriel Boco na umakto bilang poseur buyer ng P500 halaga ng droga kay Awud at Diaz.

          Matapos tanggapin ang marked money mula sa poseur-buyer kapalit ng isang plastic sachet ng shabu, agad lumapit ang back-up operatives saka inaresto ang mga suspek ngunit pumalag si Awud at tinangkang tumakas.

          Hinabol si Awud ng mga operatiba hanggang makorner at maaresto habang dinakip din si Rivera matapos makuhaan ng isang plastic sachet ng hinihinalang shabu.

          Nakompiska sa mga suspek ang 10 gramo ng hinihinalang shabu, may standard drug price P68,000, buy bust money, cellphone, P300 recovered money, isang kal. 38 revolver na may dalawang bala, belt bag at coin purse.

          Nahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002 habang karagdagang kasong paglabag sa RA 10591 at Art 151 of RPC ang kakaharapin ni Awud. (ROMMEL SALES)

About Rommel Gonzales

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …