Thursday , November 30 2023
YANIG ni Bong Ramos
YANIG ni Bong Ramos

Vendors sa Maynila, nag-iiyakan na…

YANIG
ni Bong Ramos

HINDI lang nag-iiyakan kundi humahagulgol na ang mga vendor sa buong lungsod ng Maynila dahil umano sa sobrang higpit ng patakaran na ipinapataw sa kanila ng mga tauhan ni Punong Lungsod Honey Lacuna.

Karamihan ng mga nasabing vendor ay matatagpuan sa iba’t ibang kalye ng lungsod partikular sa Divisoria, Quiapo, Sta. Cruz, Recto, at Blumentritt.

Ang mga tauhan ni Mayora Lacuna na kanilang tinutukoy ay mula umano sa departamento ng DPS, MTPB, Hawkers, at Engineering department sa city hall.

Wala umanong habag o kaunting awa man lang sa pagkompiska ng kanilang mga kalakal na kapag daka’y inihahagis lamang sa kanilang sasakyang truck na naka-antabay sa mga lugar kung saan magkakaroon ng clearing operation.

Walang pakialam sa kanilang mga paninda, hindi alintana kung may mababasag, marurumihan, o masisira sa kanilang inihahagis na kalakal.

Isa pang idinaraing nila, sana naman daw magkaroon ng imbentaryo sa mga kinokompiskang paninda ngunit wala raw sa bokabularyo nila ang katagang ito dahil sa rami ng mga damontres ay wala man lang silang nakitang may hawak na ballpen.

Sa puntong ito, wala raw silang ibang remedyo kundi ang sumama ang loob at maghinagpis lalo na’t kulang-kulang na ang mga kompiskadong paninda at kadalasa’y hindi pa raw ito naibabalik.

Masyadong marahas ang kilos at aksiyon ng mga tauhan ni Mayora Lacuna, para bang hawak nila ang buhay ng mga vendor.

Natural lang at ‘matic’ na maski naman sino ay lalakas ang loob lalo na’t may blessing at basbas mmula sa kinauukulan lalo sa punong lungsod.

Wala na raw yatang konsensiya dahil siguradong alam nila na ipinangungutang ng mga vendor ang ipinaiikot nilang puhunan sa araw-araw para makaraos gaano man kataas ang interes.

Walang ibang bukang-bibig ayon sa mga vendor kundi Executive Order daw ni Mayora… NO VENDOR, NO PARKING sa buong lungsod at wala silang ibang magagawa kundi ang sumunod.

Matapos anila ang mahigit dalawang taon sa panahon ng pandemya ay ngayon lang daw sila naka-kaporma at medyo nakababawi dahil natigil na ang walang-kamatayang lockdowns na lubhang nag-pahirap nang husto.

Sana ay maunawaan at intindihin ang mga vendor na wala namang ibang pakay kundi ang maghanapbuhay para sa kani-kanilang pamilya.

Paano nga naman kung panindigan ni Mayora Lacuna ang kanyang executive order sa loob ng tatlong taon habang siya ang nakaupo?

Saan na nga kaya pupunta at saan nga kaya pupulutin gayong iyon na ang nagisnan nilang trabaho at hanapbuhay?

Harinawa’y mabigyan sila ng kaunting espasyong gagalawan at huwag ipagtabuyan na parang mga hayop…

HAVE MERCY!

About Bong Ramos

Check Also

Dragon Lady Amor Virata

Aral-aral din pag may time, Sen. Risa!

Isumbong mokay DRAGON LADYni Amor Virata TOTOO nga ang kasabihang “birds of the same feather …

YANIG ni Bong Ramos

Vendors sa Blumentrit, nag-iiyakan sa tara

YANIGni Bong Ramos NAG-IIYAKAN umano ang mga vendor sa buong palengke ng Blumentritt dahil ‘tara’ …

Sipat Mat Vicencio

Makabayan bloc ‘nabudol’ ni Tambaloslos

SIPATni Mat Vicencio NAGKAKAMALI ang Makabayan bloc kung inaakalang ang kanilang ginawang pangangalampag sa Kongreso …

FIRING LINE ni Robert B. Roque, Jr.

LTO, kailangan ang PNP vs colorum PUVs

FIRING LINEni Robert B. Roque, Jr. DAPAT papurihan si Land Transportation Office (LTO) Chief Vigor …

Dragon Lady Amor Virata

 ‘Olats’ sa BSKE ‘di pabor kay mayor

Isumbong mokay DRAGON LADYni Amor Virata MAHIRAP manalo sa eleksiyon kung hindi ka sa panig …