Friday , March 29 2024

12-20 taon kulong sa utak ng pekeng appointment ni Espejo

083122 Hataw Frontpage

NAHAHARAP sa 12 hanggang 20 taong pagkabilanggo ang utak ng kumalat na pekeng appointment ni Atty. Abraham Espejo bilang bagong Bureau of Immigration (BI) commissioner.

“Ayon sa Revised Penal Code, Article 161, ang pag-forge ng great seal of the government, signature ng President or stamp ng Presidente ay pinaparusahan ng reclusion temporal; ang reclusion temporal po ay 12 to 20 years,” sabi ni Press Secretary Trixie Cruz-Angeles sa press briefing sa Malacañang kahapon.

Aniya, inatasan ni Pangulong Ferdinand Marcos, Jr., ang Department of Justice (DOJ), National Bureau of Investigation (NBI) at ang Philippine National Police -Criminal Investigation and Detection Group (PNP-CIDG) na imbestigahan ang usapin.

“Mabigat ‘yung penalty na ito. ‘Yung ganitong klaseng crimes can cause instability. Ito po ‘yung pangunahin sa isip ng ating Pangulo na magkakagulo kung papabayaan nating mangyari,” giit niya.

“Tandaan natin, signature ng ating Pangulo ang pinaghihinalaan nating na-forge so medyo mabigat ‘yung implications niya. Hindi rin natin alam kung ano ang maaaring paggamitan ng mga ganoong klaseng dokumento. It can cause not just confusion but further crimes. Kung kaya’t, with this in mind, nag-order siya ng investigation,” dagdag niya.

Ikinaila ng Malacañang ang ulat na itinalaga ni FM Jr., si Espejo bilang bagong BI commissioner matapos kumalat kamakalawa ang kopya ng umano’y appointment paper na may petsang 22 Hulyo 2022.

Si Espejo ay  dating dean ng College of Law ng New Era University na pagmamay-ari ng Iglesia ni Cristo (INC).

Nagsilbi umano si Espejo bilang abogado ni dating President Joseph “Erap” Estrada at Mandaluyong City Mayor Benjamin Abalos nang siya’y Commission on Elections (Comelec) chairman. (ROSE NOVENARIO)

About Rose Novenario

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Bernard Kaibigan Palawan

Pamilyang Pinoy protektado sa Palawan ProtekTODO

BATAY sa datos ng Philippine Insurance Commission, nananatiling mababa sa 1.75 porsiyento ang bilang ng …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …