Thursday , September 29 2022
Kelot na tulak arestado P40-K SHABU NASABAT SA CALAMBA, LAGUNA

Kelot na tulak arestado
P40-K SHABU NASABAT SA CALAMBA, LAGUNA

ARESTADO ang isang lalaking nasamsaman ng higit sa P40,000 halaga ng hinihinalang shabu nitong Lunes ng gabi, 15 Agosto, sa lungsod ng Calamba, lalawigan ng Laguna.

Kinilala ni P/Col. Cecilio Ison, Jr. ang suspek na si Menard Latigay alyas Cyruz, 18 anyos, at residente ng Purok 7, Brgy. Parian, sa nabanggit na lungsod.

Nadakip ang akusado dakong 8:48 ng gabi kanyang bahay sa isinagawang buybust operation ng mga operatiba ng Calamba CPS sa koordinasyon ng PDEA Laguna.

Nakumpiska mula sa suspek ang limang sachet na naglalaman ng hinihinalang shabu na may timbang na anim na gramo at tinatayang nagkakahalaga ng P40,800; drug money; at buybust money.

 Kasalukuyang nasa kustodiya ng Calamba CPS ang naarestong suspek at nakatakdang sampahan ng kasong paglabag sa RA 9165 o Comprehensive Dangerous Drug Act of 2002 habang isusumite ang mga nakuhang ebidensya sa Laguna Provincial Forensic Unit para sa forensic examination.

Pahayag ni P/Col. Ison, Jr., “Layunin ng Laguna PNP na paigtingin ang operasyon kontra ilegal na droga upang maalis ang iba pang krimen na nagkokonekta dito. Ang pag-aresto sa mga tulak ng droga ay makakapigil sa paglaganap ng ilegal na droga sa lalawigan.”

Ani P/BGen. Jose Melencio Nartatez, Jr., Regional Director ng PRO4-A PNP, “Kapuri-puri ang matagumpay na operasyon ng pulisya laban sa iligal na droga. Ito ay laban ng PNP at buong komunidad. Itutuloy ng CALABARZON PNP ang pagkakakulong sa mga druggies na ito.” (BOY PALATINO)

About Boy Palatino

Check Also

FRIENDSHIP route sticker las pinas

Sa Las Piñas
72-ORAS TRO PABOR SA ‘FRIENDSHIP ROUTE’ PINALAWIG NG KORTE

ISA PANG DAGOK sa bagong administrasyon ng BF Resort Village Homeowners Association, Inc. (BFRVHAI) ang …

Zasa Aliman Stone Hope Company Diesel

Oil importer dudulog sa Malacañang dahil sa pagbasura ng DOE sa kanilang aplikasyon

DUDULOG sa Office the President (OP) ang isang oil importer kaugnay sa hinalang pagbasura ng …

Arrest Posas Handcuff

Sa P.6-M shabu
‘ILLEGAL DRUG DEALER’ ARESTADO SA KANKALOO

ISANG hinihinalang tulak ng ilegal na droga ang arestado matapos makuhaan ng mahigit P600,000 milyong …

shabu drug arrest

Tulak na 2 kelot at bebot tiklo sa drug buy bust

TATLONG tulak ng ipinagbabawal na droga ang arestado, kabilang ang isang babae matapos masakote sa …

NBI

Tinapyas na budget ng NBI ibalik, laban vs cybercrimes paigtingin – solon

SA LAYUNING mapaigting ang laban ng bansa kontra insidente ng cybercrimes, kumilos si Senador Win …