Friday , March 29 2024
Win Gatchalian ARAL

Panukalang learning recovery program muling inihain ni Gatchalian

SA GITNA ng mataas at nakababahalang antas ng learning poverty sa bansa, muling inihain ni Senador Win Gatchalian ang isang panukalang batas na layong magpatupad ng learning recovery program sa buong bansa upang tugunan ang epekto ng matagal na pagsasara ng mga paaralan dahil sa pandemyang dulot ng CoVid-19.

Ang Senate Bill No. 150 o ang Academic Recovery and Accessible Learning (ARAL) Program Act ay isa sa mga prayoridad na panukalang batas ni Gatchalian ngayong 19th Congress.

Itinuturing ni Gatchalian ang ARAL Program bilang kanyang pambansang estratehiya upang makahabol ang mga mag-aaral ng bansa sa ibang mga mag-aaral sa mundo, lalo na’t hinaharap nila ang pinsalang dulot ng learning loss.

Bahagi ng panukalang ARAL Program ang mga sistematikong tutorial sessions at remediation plans na angkop sa pangangailangan ng mga mag-aaral.

Batay sa datos na nakalap bago magpandemya, tinataya ng World Bank na umabot sa mahigit 90 porsiyento ang learning poverty sa bansa. Ibig sabihin, siyam sa 10 batang may edad na sampu ang hindi marunong bumasa o umunawa ng maikling kuwento.

Tinitiyak ng panukalang ARAL Program na ang mga mag-aaral ay makatatanggap ng sapat na oras para sa pagtuturo upang makabisado nila ang essential competencies at maiwasan ang learning loss.

Target ng panukalang programa ang mga mag-aaral na hindi nag-enroll sa School Year 2020-2021, ang mga nahuhuli sa kanilang pag-aaral, at ang mga nakamit ang minimum level ng mastery sa language, mathematics, at science.

Bibigyan din ng prayoridad ng ARAL Program ang Reading upang mahasa ang critical and analytical thinking skills ng mga mag-aaral. Para sa mga mag-aaral sa Kindergarten, bibigyang prayoridad ng ARAL Program ang mga foundational competencies na layong magpapatatag sa kanilang kakayahan sa literacy at numeracy.

Magsisilbing tutors para sa ARAL Program ang mga guro at para-teachers na makatatanggap ng sapat na sahod para sa kanilang serbisyo.

Ang mga mag-aaral sa kolehiyo na magboboluntaryo bilang tutors sa loob ng dalawang semestre ay ituturing na nakakompleto ng Literacy Training Service sa ilalim ng National Service Training Program (NSTP).

“Upang tuloy-tuloy na makabangon ang sektor ng edukasyon mula sa pinsalang dulot ng pandemya, kailangan nating magpatupad ng malawakang programa para sa learning recovery. Titiyakin nating matututukan natin ang pangangailangan ng ating mga mag-aaral upang hindi sila mapag-iwanan pagdating sa kanilang kaalaman,” ani Gatchalian.

Batay sa isang ulat ng United Nations Educational, Scientific, and Cultural Organization, UNICEF, at ng World Bank na lumabas noong Disyembre 2021, maaaring umakyat ng sampung percentage points ang learning poverty sa mga lower-middle income countries tulad ng Filipinas dahil sa pagsasara ng mga paaralan. (NIÑO ACLAN)

About Niño Aclan

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …