Friday , July 19 2024
Electricity Brownout

Babala ni Tulfo, BROWNOUT/BLACKOUTS PUWEDENG SAMANTALAHIN NG TERORISTA

NAGBABALA si Senator Raffy Tulfo, ang laganap na brownout sa iba’t ibang probinsiya ay nagdudulot ng malaking banta sa pambansang seguridad.

Sa kanyang programang “Wanted sa Radyo” na ipinalabas noong Biyernes, 12 Agosto, sinabi ni Tulfo, ang kapalpakan ng mga ahensiya ng gobyerno na matugunan ang paulit-ulit na problema sa brownout ay maaaring makaapekto sa pagpapanatili ng kapayapaan at kaayusan sa bansa.

“Itong patuloy na pagba-brownout sa iba’t ibang panig ng Filipinas is becoming a serious national security threat. This has to be addressed because terrorists, insurgents and other criminal elements could take advantage of the situation,” ani Tulfo.

Iginiit ni Tulfo, maaaring itiyempo ng masasamang loob na gumawa ng terroristic acts and other criminal activities tuwing brownout kung kaya kailangan nating tutukan at pigilan ang isyung ito na winalang bahala lang po ng ating kinauukulan, bago pa ito lumala.

Mula nang mahalal bilang Chairperson ng Komite ng Enerhiya, nakausap at napagsabihan na ni Tulfo ang ilang opisyal mula sa mga electric cooperatives, tulad ng Oriental Mindoro Electric Cooperative (ORMECO) dahil sa kapalpakan, na ayusin ang problema sa koryente sa kanilang nasasakupan.

Kamakailan ay inihain niya ang Senate Resolution (PSR) No. 107 na naglalayong imbestigahan ang rotational blackouts at pagtaas ng singil sa koryente sa bansa. Magsisimula na ang imbestigasyon sa kasalukuyang buwan.

Ayon kay Tulfo, “Maaaring lusubin o i-overrun ng insurgents, terrorists at iba pang criminal elements ang mga police stations, military outposts, at iba pang government facilities. Ititiyempo nila ang aksiyon tuwing mayroong unaanounced na brownout.”

Naalarma si Tulfo sa masamang epekto ng paulit-ulit at rotational brownout sa kalusugan at kaligtasan ng mga Filipino, lalo ang mahihirap.

“Malaki ang banta nito sa kaligtasan ng mahihirap nating kababayan, partikular sa mga pasyente sa mga ospital, clinics, o centers na walang generator. Buhay ng mga pasyente na nasa kalagitnaan ng medical procedures ang nalalagay sa panganib tuwing magkakaroon ng unannounced brownout,” dagdag ni Tulfo.

Muling iginiit ni Tulfo, gagawin niya ang kanyang makakaya para masolusyonan ang problema sa koryente at protektahan ang seguridad ng bansa.

“Ayoko pong dumating ‘yung panahon na magigising tayo sa isang umaga na iba na ang namumuno sa ating bayan dahil tayo ay nalusob ng foreign elements dahil sa kapabayaan sa isyu of national concern,” ani Tulfo.

“Magmula nang naging Chairman ako ng Energy Committee, ang rami kong nakitang mga katiwalian sa enerhiya sa ating bansa and atin po ‘yang ibubunyag sa mga darating na senate hearing and I will make sure na magkakaroon ng live coverage ang lahat ng mga pandinig para sa kaalaman ng publiko,” pagwawakas ni Tulfo.  (NIÑO ACLAN)

About Niño Aclan

Check Also

Collectors Con Year 2 Funkos The Block Atrium SM North EDSA

Collectors Assemble: Collectors Con Year 2 brings Exclusive Drops, Limited-editions and Supersized Funkos

Promising the ultimate collector’s adventure in the North, Collectors Con is back at The Block …

SSS Cellphone

SSS nagbabala sa miyembro at publiko sa mga pekeng alerto sa text

BINALAAN ng Social Security System (SSS) ang mga miyembro nito at ang publiko na maging …

Arrest Posas Handcuff

  Kawatan sa coffee shop, timbog

DAHIL sa mabilis na pagresponde ng mga awtoridad ay kaagad naaresto ang isang lalaki na …

071824 Hataw Frontpage

Sa Bamban, Tarlac at Porac, Pampanga
POGO ‘TORTURE DEN’ VIDEO FOOTAGES INILABAS SA PAGDINIG NG KAMARA

HABANG mainit ang galit ng mga mamamayan sa mga natuklasang ilegal na Philippine Offshore Gaming …

071824 Hataw Frontpage

Sa ‘tungki ng ilong’ ng gov’t hospital  
UTAK NG ‘KIDNEY FOR SALE’ ITINANGGING HEAD NURSE PERO EMPLEYADO NG NKTI

ni ALMAR DANGUILAN INAMIN ng National Kidney Transplant Institute (NKTI) na kanilang empleyado sa loob …