Friday , March 29 2024
AKSYON AGAD ni Almar Danguilan
AKSYON AGAD ni Almar Danguilan

Dapat may makasuhan sa Sugar Order #4

AKSYON AGAD
ni Almar Danguilan

NAGBITIW na si Department of Agriculture Mr. Leocadio Sebastian sa kanyang puwesto bilang undersecretary for operation at chief of staff ng Secretary of Agriculture dahil sa makontrobersiyal na pagpirma sa ilegal na importation order para sa 300,000 metrikong tonelada ng asukal.

Kasabay ng pagbibitiw, humingi rin ng paumanhin si Sebastian kay Pangulong Marcos, Jr., sa paglagda sa Sugar Order No. 4 nang walang go signal ang Pangulo. Hayan kasi e, nangengealam. Hehehe. Ano ba mayroon sa SO4 at agad na pinirmahan ito nang walang paalam kay Pangulong Marcos? Magkano ba? Ang alin? Ang halaga ng 300,000 metrikong tonelada at tila minamadali ang pag-angkat nito? Ha? Wala naman nagmamadali, inakala lang po ni Sebastian na puwede siyang lumagda ng “Sugar Order” dahil sa responsibilidad na iniatang sa kanyang bilang undersecretary.

Bagamat, hindi naman siguro lingid sa kaalaman ng mga taga-DA, opisyal man o simpleng empleyado na ang tumatayong bossing ng departamento ay ang mismong Pangulo ng bansa, si FM Jr. Lalong hindi lingid sa kaalaman ni Sebastian at ilan pang nasa likod ng SO#4 na si Pangulong FM Jr., ang kanilang bosyo.

Ngayon, nakapagtataka lang kung bakit nagawa nila ang pirmahan blues na walang basbas ang Pangulo na siya rin ang chairman ng Sugar Regulatory Board (SRA).

Wala naman sigurong masamang balak o intensiyon si Sebastian sa pagpirma at sa halip, concerned lang siya sa kalagayan ng stocks ng asukal sa bansa…kapos na raw kasi ang asukal.

Sa kabila ng lahat, kahanga-hanga itong si Sebastian, nagbitiw siya sa posisyon at humingi ng apology kay Pangulong FM Jr., sa nangyari. E paano naman iyong iba pang nasa likod ng SO#4? Ano pa ba ang kanilang hinihintay, makaladkad ang kanilang mga pangalan bago bumitiw sa posisyon? Mahiya-hiya naman naman kayo. Nasaan ang delicadeza ninyo. Gayahin ninyo si Usec. Sebastian, may delicadeza.

Kaya magbitiw na kayo kung may natitira pa kayong kahihiyan. Ano ba ang mayroon at tila kapit tuko pa kayo?

Pero ang tanong, sapat na ba ang pagbibitiw at paghingi ni Sebastian sa makontrobersiyal na pirmahan blues? Siyempre hindi…kailangan niyang ay imbestigasyon. Hindi lang para malaman kung sino-sino ang sangkot sa tangkang pag-aangakat ng asukal at sa halip, asuntohin din.

At higit sa lahat, malaman din ang tunay na intensiyon o motibo sa tangkang pag-angkat. Napaulat na magsasagawa ng imbestigasyon ang Kongreso hinggil sa isyu…sana may katuturan ang imbestigasyon at hindi grandstanding ang mangyayari. Sana ay makalkal din ang lahat ng kalokohan sa SRA. Iyan lang naman ay kung mayroon. Busisisin ang lahat ng transaksiyon sa SRA.

Nagbitiw si Sebastian, hindi ibig sabihin na tapos na ang lahat…dapat may managot at makasuhan.

About Almar Danguilan

Check Also

YANIG ni Bong Ramos

Riders at tricycle drivers, ‘suki’ ng traffic enforcers

YANIGni Bong Ramos KAHABAG-HABAG ang kalagayan ng riders at tricycle drivers dahil sila ay suking …

Dragon Lady Amor Virata

OIC chief of police, kapuri-puri

Isumbong mokay DRAGON LADYni Amor Virata HUMARAP kamakailan si OIC Chief of Police ng lungsod …

FIRING LINE ni Robert B. Roque, Jr.

Quiboloy, wanted dito at sa ibang bansa

FIRING LINEni Robert B. Roque, Jr. PARA sa isang sumusumpang inosente siya habang nagkukubli sa …

Dragon Lady Amor Virata

Negosyanteng intsik  inirereklamo ng mga empleyado

Isumbong mokay DRAGON LADYni Amor Virata INIREREKLAMO ng may 11 empleyado ang JUJU Mart na …

FIRING LINE ni Robert B. Roque, Jr.

Namamayagpag si Tulfo

FIRING LINEni Robert B. Roque, Jr. SA HULING survey ng WR Numero na ginawa noong …