HATAW! D'yaryo ng Bayan hatawtabloid.com
SHOWBIZ KONEK
ni Maricris Valdez Nicasio
TAMA ang tinuran ni Sean de Guzman na ang pelikula nila ni Cloe Barreto na The Influencer ng 3:16 Media Networkna mapapanood sa Vivamaxsimula August 12ang itinuturing niyang best movie niya so far. Talagang sobrang nag-improve ang acting ni Sean mula sa launching movie niyang Anak ng Macho Dancer hanggang sa mga pelikulang Nerisa, Taya, Hugas, Mahjong Nights, Bekis on the Run, at Iskandalo.
Kaya hindi na kami nagtataka kung super proud si Sean sa The Influencer na nagpakita ng galing niya sa pag-arte lalo na nang kidnapin siya ni Cloe dahil sa sobrang obsessed ito sa kanya. Nariyang itali, bugbugin, pahirapan, pagpasasaan siya ni Cloe para ma-satisfy lang ang sexual urge nito.
Sinabi rin ni Sean na itong pelikulang ito ang pinaka-daring na nagawa niya. “Mas daring pa sa daring. Malala as in malala talaga. As in ibinigay ko na ang lahat kasi ang ganda ng istorya eh, kasi hindi mo inaasahan na magiging anoon ang kalalabasan ng istorya.”
Bukod sa sandamakmak na hubaran at sex scenes, maganda rin ang pagkakalahad ng kuwento tungkol sa isang lalaking social media influencer, si Yexel (Sean) na ikinulong at ginahasa ng isa niyang babaeng stalker, si Nina (Cloe).
Ito naman ang ikalawang pelikula ni Cloe na isinulat ng kanyang kaibigang si Quinn Carillo, ang sumulat din ng Tahan.
Mahusay din si Cloe bilang isang stalker ni Sean na ginawa ang lahat para mapasakanya ang binata. Wala siyang pakialam kung maglakad ng hubad, o gumawa ng kakaibang paraan para lamang makipag-sex sa kanya si Sean. Mahusay din ang confrontation scene nila ni Elizabeth Oropesa, isa sa lola niya na kung ilang beses siyang nakatikim ng sampal, tadyak, at kung iba’t ibang klase ng pananakit.
Makabagbag damdamin ang eksena nina Cloe at Ruby Ruiz na inaalagaan niya dahil sa may diperensiya sa pag-iisip. Ramdam na ramdam ang hirap kay Cloe sa pag-aalaga sa matanda na kahit sinasaktan ay sige pa rin sa pag-aaruga sa mga ito.
Ito naman ang unang pelikula ni Direk Louie Ignacio sa Vivamax na humanga rin sa galing ng kanyang mga artista.
May paalala lang kami sa mga manonood nito na ihanda ang sarili sa dulo ng peliula ahil pasabog ang ginawa nina Cloe at Sean dahil madugo at brutal ang eksena.
