I-FLEX
ni Jun Nardo
PATULOY pa rin ang pag-aalala ng pamilya, kapwa artista, at kaibigan sa pagpanaw ng magaling na aktres na si Cherie Gil.
Isang showbiz clan ang kinabibilangan ni Cherie. Kapatid niya si Michael de Mesa at si Mark Gil na mas naunang pumanaw sa kanya.
Ilan sa pamangkin niyang artista ay sina Gabby Eigenmann, Sid Lucero, Andi, at Max Eigenmann at lahat sila ay may kanya-kanyang pagsasalamat at pag-aala sa tiyahin sa kanilang social media account.
Sa mga artistang nakatrabaho, si Sharon Cuneta ang devastated sa pagpanaw ni Cherie. May tribute video siya nang pinagsamahan nilang movie ni Cherie na Bituing Walang Ningning.
Bilang pakikiramay, agad lumipad patungong New York City si Shawie upang makidalamhati sa pagkamatay ng kaibigan.