Monday , August 8 2022
Richard Gomez Juliana

Juliana inihahanda na ni Richard sa politika?

SHOWBIZ KONEK
ni Maricris Valdez Nicasio

SHE’s a leader, she’s an achiever.” Ito ang buong pagmamalaki ni Cong. Richard Gomez sa kanilang unica hija ni Ormoc Mayor Lucy Torres kay Juliana.

Nasabi ito ni Richar dahil sa kanya nagtatrabaho at katu-katulong niya si Juliana sa kanyang opisina sa Batasang Pambansa.

Sa pakikipaghuntahan namin kay Richard noong Miyerkoles ng tanghali nang magpatawag ito ng reunion para sa mga close nila ng kanyang dating manager na si Douglas Quijano, naibahagi nito ang ukol kay Juliana gayundin sa bagong karera, ang pagiging kongresista ng 4th district ng Leyte.

Pagsisimula ni Goma, ga-gradweyt na si Juliana sa kursong Public Administration sa University of the Philippines-Diliman at dahil pareho silang sa Maynila naglalagi, ito ang kasa-kasama niya sa Kongreso.

Nagsimula siyang mag-training sa akin sa Ormoc. Tapos dito, kinuha ko siya sa Congress,” ani Goma na naging mayor muna ng Ormoc mula 2016 hanggang 2022.

May pinapatrabaho ako kay Juliana kaya katu-katulong ko siya roon,” pagbabahagi ni Richard at buong pagmamalaking naitsika na madaling utusan ang kanyang dalaga.

Takbo nga ‘yan nang takbo. ‘Juliana, do this, ha? I-research mo ‘to.’ Si Juliana, she’s a leader by herself. Kasi, nakikita ko sa group of friends niya, eh. Nakikita ko, siya ang nagtitipon sa mga kaibigan niya,” kuwento pa ni Richard.

Achiever din si Juliana lalo sa sports. “Ayaw niyang natatalo siya. Training siya nang training. Gusto niya, nananalo.

“Sabi ko, ‘It doesn’t mean na ‘pag nagte-training ka, ikaw lagi ang mananalo.’ Maraming magaling na kailangan mong pag-aralan,” saad pa ng kongresista ukol sa kanyang anak.

Sinabi pa ni Goma na sabay silang pumapasok ng kanyang anak.

 “Pumapasok po ako mula Lunes hanggang Miyerkoles din at okey na boss si daddy,” kuwento naman ni Juliana nang matanong kung kumusta ang kanyang ama bilang boss.

Nang matanong kung sinusuwelduhan ba ni Richard ang anak, sagot nito, “isang platong kanin araw-araw! Ha ha ha, okey na ‘yun,” masayang sabi pa ni Richard ukol sa kanyang anak na hindi malayong sundan ang kanilang yapak sa politika pagdating ng araw.

Nasabi naman noon pa nina Richard at Lucy na susuportahan nila ang kanilang anak sakaling pasukin din nito ang politika.

Samantala, inamin ni Goma na totally different ang ginagawa niya ngayong kongresista na siya. “Ang mayor kasi very hands on, you really have to be where the action is, unlike rito sa Congress you think of laws that can be amended, laws that can be made, laws that can be beneficial doon sa district, ‘yun ang kaibahan,” sabi pa ni Richard na talaga namang kinakarir ang mga bagay-bagay maging mayor o kinatawan siya ng kanilang distrito.

Ukol naman sa pag-arte, sinabi nitong, “open ako gumawa kung kaya naman ng oras why not. Pwede ako makipag-radyo sa inyo, makipag-tv. Nakaka-miss talaga ang umarte kasi matagal-tagal na rin talaga akong hindi nakaarte kaya nga gumagawa ako ng vlog, para nakikita ng tao na I’m still doing things that I do, ibang genra lang,” sabi pa ni Richard na ang kinikita ng vlog ay inilalaan sa pagpapakain sa mga constituent niya o pantulong sa mga proyekto na para sa mga taga-Ormoc.

About Maricris Valdez Nicasio

Check Also

prison

DOJ kumonsulta sa prison expert, pamamalakad ni Bantag napuna

MATAPOS tukuyin na isa sa problematic agency ang Bureau of Corrections (BuCOR) at ang kontrobersiyang …

Vic Rodriguez Bongbong Marcos BBM

Paninira kay ES Rodriguez ibinuking na black propaganda

ISANG black propaganda ang ulat na nagbitiw sa puwesto si Executive Secretary Vic Rodriguez. Ito …

Drivers license card LTO

Puna ni LTO Chief Guadiz sa LTO IT contractor mali

DUMEPENSA ang information technology (IT) contractor ng Land Transportation Office (LTO) sa hepeng si Teofilo …

Tommie Mopia Gawad America award

US base entrepreneur/producer Tommie Mopia Gawad America awardee

RATED Rni Rommel Gonzales IPINANGANAK at lumaki sa Pilipinas, sa Iloilo, si Tommie Mopia at nag-migrate sa …

Bianca Umali Ruru Madrid

Ruru nanghinayang, Bianca mag-isang rumampa

RATED Rni Rommel Gonzales KAHIT hindi nakadalo si Ruru Madrid sa GMA Thanksgiving Gala noong July 30, inihayag ng …