Wednesday , August 10 2022
Miguel Tanfelix Ysabel Ortega Yasser Mata

Ysabel pinag-aagawan nina Miguel, Yasser

SHOWBIZ KONEK
ni Maricris Valdez Nicasio

BAGAMAT ngayon pa lamang magtatambal sa isang serye sina Miguel Tanfelix at Ysabel Ortega, kita agad ang chemistry sa kanila sa What We Could Be ng Quantum Films na mapapanood sa GMA 7 simula August 15.

Kaya naman puro tili at kilig ang naobserbahan namin sa mga kasabay naming nag-advance screening nito kamakailan sa Trinoma.

Malaking opportunity ang What We Could Be kay Ysabel na ngayon lamang nabigyang pagkakataong makapagbida kaya naman ganoon na lamang ang excitement nito. Bagay sa kanya ang karakter na ginagampanan sa serye na isang Nurse na nakapag-alaga ng isang masungit na lola na nang-aapi sa kanya. 

Si Miguel naman ay hindi na makukuwestiyon ang galing sa pag-arte dahil bata pa lang ay talagang nasabak na siya pag-arte na nakilala bilang si Pagaspas hanggang sa kilalanin ang galing sa Nino at mag-hit ang tambalan nila ni Bianca Umali sa Wish I May. Si Miguel naman ang apo ng lolang inaalagaan ni Ysabel.

Masaya rin si Miguel sa seryeng ito, dahil sa magandang opportunity na naibigay para kay Ysabel.

Aniya bago nagsimula ang special screening, “Excited ako dahil ngayon lang ako nakakuha ng ganitong klaseng role na medyo may dark past. At siyempre, excited ako para kay Ysabel. Kasi ito `yung first big role niya sa GMA.”

Kasama nila si Yasser Mata, ang kaagaw ni Miguel kay Ysabel.

Sa serye ay may isang eksena ang binata na tiyak na ikaloloka ng fans dahil humarap si Yasser na halos walang suot kay Ysabel. At sa kaguwapuhan ni Yasser tiyak na marami ang matutuwa sa eksenang iyon na ang sabi nga niya sa amin ay pinaghandaan niyang mabuti dahil pinaganda talaga niya ang kanyang katawan.

Sa kabilang banda inamin naman ni Yasser, na nakakaramdam siya ng kaunting inggit sa tuwing magkasama sina Miguel at Ysabel. Pero hindi niya masabi kung magdyowa na ang mga ito.

Well, ‘yan ang isa pa natin sa aabangan. Kaya tutukan sa GMA ang What We Could Be ng Quantum Films na magsisimula na sa August 15.

About Maricris Valdez Nicasio

Check Also

Isko Moreno Domagoso Family Paris

Yorme Isko muntik mabudol sa Paris

COOL JOE!ni Joe Barrameda MAY kumakalat na tsismis na kesyo nabugbog daw ang dating Manila …

Maja Salvador Joey Marquez Oh My Korona Ricky Victoria

Maja kay Joey naman makikipagbarubalan

COOL JOE!ni Joe Barrameda I am so proud of Maja Salvador. Multi-talented talaga siya. Ngayon sa …

Sharon Cuneta Cherie Gil

Sharon ‘nawala’ sa sarili nang pumanaw si Cherie

MA at PAni Rommel Placente SOBRANG  close si Sharon Cuneta kay Cherie Gil.  Kaya naman labis ang pagdadalamhati …

Cloe Barreto

Cloe aminadong baliw sa pag-ibig — Walang bawal, bawal!

MA at PAni Rommel Placente SI Sean de Guzman ang bida sa pelikulang The Influencer mula sa 3:16 Media Network at Mentorque Productions. …

Josef Elizalde Cara Gonzales Ava Mendez Rob Guinto Kat Dovey Stephanie Raz Quinn Carrillo

Josef mangangabog, hari ng Vivamax

SHOWBIZ KONEKni Maricris Valdez Nicasio TIYAK na kaiinggitan ng mga barako si Josef Elizalde dahil anim ang …