Monday , August 15 2022

4 patay, 60 sugatan sa magnitude 7 lindol sa Abra — DILG

072822 Hataw Frontpage

ni ALMAR DANGUILAN

APAT ang namatay habang 60 ang nasugatan nang ugain ng magnitude 7.3 lindol ang lalawigan ng Abra nitong Miyerkoles ng umaga.

Ito ang ulat kahapon ni Department of the Interior and Local Government (DILG) Secretray Benjamin “Benhur” Abalos, Jr., kay Pangulong Ferdinand Marcos, Jr.

Ang dalawang namatay ay mula sa Benguet, isa sa Abra, at isa sa Mountain Province.

“Sixty [ang] injured and so far po apat ang nabalitaang nasawian ng buhay, four deaths. Of these four, two are in Benguet, one each in Abra and Mountain Province,” ayon kay Abalos.

Batay sa ulat ng PHIVOLCS, ang magnitude 7.3 lindol ay naramdaman bandang 8:43 am at ang lokasyon ay 17.64°N, 120.63°E – 003 km N 45° W ng Tayum sa Abra. Ito ay may lalim na 17 kilometro.

Naramdaman rin ang malakas na pagyanig sa maraming lugar sa Luzon, kabilang ang Metro Manila.

Sinundan ito ng maraming aftershocks, ayon sa local seismological agency.

“We can’t rule out the possibility of another strong earthquake,” ayon kay Renato Solidum, director ng Philippine Institute of Volcanology and Seismology (PHIVOLCS).

               Isinusulat ang balitang ito’y umabot na sa lima ang namatay at 64 ang sugatan.

Sa pagtama ng 7.3 magnitude lindol
PARAÑAQUE LGU
ITINIGIL LAHAT
NG TRANSAKSIYON

SUSPENDIDO ang trabaho sa Parañaque City Hall makaraang iutos ni Parañaque City Mayor Eric Olivarez sa pagtama ng magnitude 7.3 lindol.

Inatasan ang lahat ng mga empleyado na lumikas nang mangyari ang lindol at pinanatili sa quadrangle ng pamahalaang lungsod.

Agad iniutos ng alkalde ang suspensiyon ng trabaho dakong 9:30 am para bigyang daan ang mabilis na pangangailangan sa analysis inspection ng Disaster Risk Reduction and Management Office (DRRMO) at ng Engineering Office.

Ang lahat ng physical transactions sa city hall ay suspendido.

Isinaalang-alang ni Olivarez ang kaligtasan ng mga empleyado sa kanyang desisyon na suspendehin ang trabaho.

Agad iniutos ng alkalde ang inspeksiyon sa mga paaralan at mga gusali sa lungsod.

Dakong 7:00 am nang yanigin ng malakas na magnitude 7.3 lindol ang Abra at ilang bahagi ng Luzon kabilang ang Metro Manila. (GINA GARCIA)

About Almar Danguilan

Check Also

DANIEL FERNANDO Bulacan

Bulacan, kaisa sa paghubog ng mga lider para sa susunod henerasyon

BILANG PAKIKIBAHAGI sa bansa sa obserbasyon ng Linggo ng Kabataan 2022, nagsagawa ang pamahalaang panlalawigan …

arrest posas

Kumagat sa pain
TULAK TUWING MADALING ARAW TIMBOG SA PARAK

NASAKOTE ng mga awtoridad ang isang pinaniniwalaang tulak ng ilegal na droga sa ikinasang buy …

prison rape

Lolong manyakis naihoyo sa Zambales

NASUKOL ng mga awtoridad ang isang matandang lalaking may kasong panggagahasa sa inilatag na manhunt …

Dalagita nasagip sa cybersex den 3 suspek arestado

NAILIGTAS ng mga awtoridad ang isang babaeng menor de edad mula sa isang cybersex den …

Road Expressway

Para sa mas mabilis na biyahe
CAVITEX C5 LINK FLYOVER EXTENSION BINUKSAN NA 

INIANUNSYO ng Toll Regulatory Board (TRB) ang grantor ng Manila-Cavite Toll Expressway Project (MCTEP) kasama …