Tuesday , August 9 2022
road accident

Ina, 2 anak patay sa salpukan ng tricycle at jeep

PATAY ang tatlong mag-iina sa naganap na salpukan ng tricycle at jeep sa San Miguel, Bulacan nitong Miyerkules ng hapon.

Sa ulat mula sa San Miguel Municipal Police Station (MPS), napag-alamang naganap ang insidente sa Barangay Buliran sa bayan ng San Miguel pasado ala-1:00 ng hapon.

Ayon kay Jonathan Maniquis, asawa ng biktimang si Monica at ama ng dalawang nasawing bata, nasa trabaho siya nang malaman ang sinapit ng kanyang pamilya.

Unang nasawi ang dalawang bata at ang kanilang ina ay nadala pa sa ospital sa Cabanatuan City pero binawian na rin ito ng buhay.

Batay sa paunang imbestigasyon ng pulisya, papunta sana ang mga biktima sa health center para magpabakuna bilang paghahanda sa darating na pasukan.

Sa pahayag naman ng mga nakasaksi, binabagtas ng tricycle na sinasakyan ng mga biktima ang kalsada sa Barangay Buliran nang biglang may mag-overtake na pickup vehicle kaya nahagip nito ang tricycle at napakabig hanggang bumangga naman sa kasalubong na delivery jeep.

Kasalukuyang nasa kustodiya na ng San Miguel MPS ang driver ng jeep na nakatakdang sampahan ng nararapat na kaso sa hukuman. (MICKA BAUTISTA)

About Micka Bautista

Check Also

Sa Rizal P1.1-M DROGA NASABAT 6 HVI SWAK SA SELDA

Sa Rizal
P1.1-M DROGA NASABAT 6 HVI SWAK SA SELDA

DERETSO sa kulungan ang anim na nakatalang high value individual (HVI) makaraang makompiska sa kanila …

dead gun police

Kaanak ng suspek sa Ateneo shooting  itinumba

PINASLANG ang isa pang kaanak ng suspek sa pamamaril sa Ateneo de Manila University na …

Bulacan Police PNP

3 wanted criminal nasakote, 6 astig na pasaway lumambot

ARESTADO ang tatlong indibidwal na pinaghahanap ng batas at anim na iba pa sa ikinasang …

PNP PRO3

23 sugarol timbog sa Central Luzon

SA PAGPAPATULOY ng PRO3 PNP sa kanilang hakbang laban sa illegal gambling, iniulat ni Regional …

Rice, Bigas

P20/kilong bigas nabibili sa Botolan, Zambales

NAKABIBILI na ng P20 kada kilo ng bigas ang mga residente sa bayan ng Botolan, …